កោះកុងៈ ដោយអនុវត្តន៍តាមការណែនាំ របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការររង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស នៅវេលាម៉ោង០៨ និង០០នាទី ថ្ងៃទី២៧ ខែធ្នូ ឆ្នាំ២១០៦ នៅបញ្ជាការដ្ឋាន កងរាជអាវុធហត្ថខេត្តកោះកុង បានប្រារព្ធពិធីផ្សព្វផ្សាយ
ការងារអប់រំចិត្តសាស្ត្រ ដល់នាយ នាយរង កងរាជអាវុធហត្ថខេត្ត ក្រោមអធិបតីភាព ឯកឧត្តម ឧត្តមសេនីយ៍ត្រី ថុង ណារ៉ុង មេបញ្ជាការ កងរាជអាវុធហត្ថខេត្តកោះកុង និងដោយមានការចូលរួមពីសំណាក់ លោកមេបញ្ជាការរង នាយរងសេនាធិការដ្ឋាន ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋាន ក្រុង ស្រុក ស្នាក់ការសន្តិសុខ កម្លាំងកងអនុសេនាធំចល័តព្រមទាំងនាយ នាយរង ចំណុះបញ្ជាការដ្ឋាន កងរាជអាវុធហត្ថខេត្ត សរុបចំនួន១៩៨នាក់។

លោក ឧត្តមសេនីយ៏ត្រី បានលើកឡើងពីសភាពការណ៍ជាតិ អន្តរជាតិ និង ៨ចំណុចប្រឈម របស់ ឯកឧត្តម នាយឧត្តមសេនីយ៍ មេបញ្ជាការ កងរាជអាវុធហត្ថលើផ្ទៃប្រទេស ថែមទាំងបញ្ជាក់ពីទោសបញ្ញាត្តិ និងការដាក់វិធានការមួយចំនួនពាក់ព័ន្ធក្នុងការអនុវត្ត តួនាទី ភារកិច្ចអោយបានត្រឹមត្រូវទៅតាមច្បាប់ដែលបានកំណត់។

(អត្ថបទ ម៉ាន់ ដាវីត)