កំពតៈ នៅវេលាម៉ោង ១២ និង៤០នាទី ថ្ងៃទី២៦ ខែធ្នូ ឆ្នាំ២០១៦ កម្លាំងកងរាជអាវុធហត្ថខេត្តកំពត សហការជាមួយ កម្លាំងមូលដ្ឋាន កងរាជអាវុធហត្ថស្រុកកំពង់ត្រាច បានធ្វើការឃាត់ខ្លួនជនសង្ស័យចំនួន០២នាក់ ស្ថិតនៅចំណុចភូមិព្រៃទប់ ឃុំបឹងសាលាខាងជេីង ស្រុកកំពង់ត្រាច ខេត្តកំពត សង្ស័យជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

នេះបើតាមការឱ្យដឹងពីភ្នាក់ងារ GRK News បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
០១. គឹម ឡេង ភេទ ប្រុស អាយុ២២ឆ្នាំ មុខរបរ មិនពិតប្រាកដ រស់នៅភូមិព្រៃទប់ ឃុំបឹងសាលាខាងជេីង ស្រុកកំពង់ត្រាច ខេត្តកំពត
០២. ប៉ឹម ពិសិទ្ធិ ភេទ ប្រុស អាយុ១៨ឆ្នាំ មុខរបរ មិនពិតប្រាកដ រស់នៅភូមិព្រៃទប់ ឃុំបឹងសាលាខាងជេីង ស្រុកកំពង់ត្រាច ខេត្តកំពត។

ភ្នាក់ងារដដែល បានបន្តឱ្យដឹងទៀតថា ការឃាត់ខ្លួនជនសង្ស័យខាងលើនេះ គឺធ្វើឡើងទៅបានដោយមានការសម្របសម្រួលពីព្រះរាជអាជ្ញាអមសាលាដំបូងខេត្ត រហូតអាចឈានទៅដល់ការឃាត់ខ្លួនបានជនសង្ស័យ នៅចំណុចផ្ទះជនសង្ស័យខាងលើ។

ក្នុងនោះដែរ កម្លាំងកងរាជអាវុធហត្ថខេត្តកំពត ក៏បានចាប់យកវត្ថុតាងមួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកកចំនួន០១កញ្ចប់ ដែលមានទម្ងន់ស្មើ១.០៥ក្រាម
០២. ម៉ូតូ ម៉ាក CBR ពាក់ផ្លាកលេខ១CU៣៤៧៨ ចំនួន០១គ្រឿង។

ជនសង្ស័យ ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)