ស្វាយរៀងៈ ជនសង្ស័យចំនួន០៥នាក់ ត្រូវបាន កម្លាំងកងរាជអាវុធហត្ថខេត្តស្វាយរៀង សហការជាមួយ កម្លាំងមូលដ្ឋានកងរាជអាវុធហត្ថស្រុកស្វាយទាប ធ្វើការឃាត់ខ្លួន នៅវេលាម៉ោង ០៩ និង២០នាទី ថ្ងៃទី២៧ ខែធ្នូ ឆ្នាំ២០១៦ ស្ថិតនៅចំណុចភូមិបន្ទាយ ឃុំកណ្តៀងរាយ ស្រុកស្វាយទាប ខេត្តស្វាយរៀង និងបានចាប់យកថ្នាំញៀនជាច្រើនកញ្ចប់។
នេះបើតាមការឱ្យដឹងពី ឯកឧត្តម ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះ ៈ
០១. សំ សុភាព ភេទប្រុស អាយុ៤៣ឆ្នាំ ជនជាតិខ្មែរ មានមុខរបរកម្មករសំណង់ មានទីលំនៅភូមិបន្ទាយ ឃុំកណ្តៀងរាយ ស្រុកស្វាយទាប ខេត្តស្វាយរៀង
០២. ចាប រ៉ាមី ភេទប្រុស អាយុ ៣៩ឆ្នាំ ជនជាតិខ្មែរ មានមុរបរមិនពិតប្រាកដមានទីលំនៅភូមិចុងព្រែក សង្កាត់ស្វាយរៀង ក្រុងស្វាយរៀង ខេត្តស្វាយរៀង
០៣. សំ ងួនឡេង ភេទប្រុស អាយុ១៩ឆ្នាំ ជនជាតិខ្មែរ មានមុខរបរកម្មករ មានទីលំនៅ ភូមិ បន្ទាយ ឃុំកណ្តៀងរាយ ស្រុកស្វាយទាប ខេត្តស្វាយរៀង
០៤. ទិត្យ តុង ភេទប្រុស អាយុ១៩ឆ្នាំ ជនជាតិខ្មែរ មានមុខរបរកម្មករ ធ្វើ ទឹកបរិសុទ្ទមានទីលំនៅភូមិបន្ទាយ ឃុំកណ្តៀងរាយ ស្រុកស្វាយទាប ខេត្តស្វាយរៀង
០៥. សាម រិទ្ធី ភេទប្រុស អាយុ២១ឆ្នាំ ជនជាតិខ្មែរ មានមុខរបររោងចក្រ មានទីលំនៅភូមិប្រសូត្រ ឃុំកណ្តៀងរាយ ស្រុកស្វាយទាប ខេត្តស្វាយរៀង។
លោកឧត្តមសេនីយ៍ត្រី បានបន្តឱ្យដឹងទៀតថា ជនសង្ស័យទាំង០៥នាក់នេះ គឺជាមុខសញ្ញាចែកចាយគ្រឿងញៀនយ៉ាងសកម្ម នៅចំណុចមូលដ្ឋានខាងលើ ដែលកម្លាំងកងរាជអាវុធហត្ថមូលដ្ឋាន និងកម្លាំងកងរាជអាវុធហត្ថខេត្ត បានតាមដាននូវសកម្មភាពរបស់ពួកគេជាយូរមកហើយ ទើបមានឱកាសក្នុងការឃាត់ខ្លួនបាន នៅថ្ងៃកើតហេតុនេះ។
លោកឧត្តមសេនិយ៍ត្រី បានបញ្ជាក់អោយដឹងទៀតថា ក្នុងប្រតិបត្តិការបង្ក្រាបនោះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
១ ថ្នាំញៀនប្រភេទម៉ាទឹកក ចំនួន៣០កញ្ចប់ ដែលមានទម្ងន់ស្មើ ២៦ក្រាម
២ ម៉ូតូ ចំនួន០២ គ្រឿង
៣ ទូស័ព្ទដៃ ចំនួន ១៤ គ្រឿង
៤ ប្រាក់រៀល ចំនួន ១៦ ០០០០ រៀល
៥ ប្រាក់ដុល្លា ចំនួន ៣០ ដុល្លា
៦ អាវុធខ្យល់កែឆ្នៃបាញ់គ្រាប់កង់០១ដើម
៧ កាំបិត ស្នៀត ចំនួន០២ដើម
៨ ដំបងដែក ប្រវែង ០,៦១ ម៉ែត្រ ០១ដើម
៩ ស្លាកលេខ ម៉ូតូចំនួន ០២ ស្លាក
១០ សំភារៈសម្រាប់ប្រើប្រាស់គ្រឿងញៀនមួយចំនួនធំ ។
១១ ថង់សំរាប់ច្រកគ្រឿងញៀនចំនួន ៦៥ ថង់។
ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តស្វាយរៀង បានកសាងសំណុំរឿង ដើម្បីចាត់ការបន្តតាមនីតិវិធី៕
(អត្ថបទ ម៉ាន់ ដាវីត)
