កំពតៈ នៅវេលាម៉ោង ១១ និង៣០នាទី ថ្ងៃទី៣១ ខែធ្នូ ឆ្នាំ២០១៦ កម្លាំមូលដ្ឋានកងរាជអាវុធហត្ថក្រុងកំពត សហការជាមួយ កម្លាំងមូលដ្ឋាន កងរាជអាវុធហត្ថក្រុងកំពត បានធ្វើការឃាត់ខ្លួន

ជនសង្ស័យចំនួន០៥ ជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន ស្ថិតនៅចំណុច ភូមិកំពង់បាយ សង្កាត់កំពង់បាយ ក្រុងកំពត ខេត្តកំពត។
បើតាមការអោយដឹងពីមន្ត្រីកងរាជអាវុធហត្ថខេត្តកំពត បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះរួមមានឈ្មោះ ៈ
០១.លី ហាក់ ភេទ បរុស អាយុ២៤ឆ្នាំ រស់នៅ ភូមិក្រាំង សង្កាត់ក្រាំងអំពិល ក្រុងកំពត ខេត្តកំពត
០២.សេង ហេង ភេទប្រុស អាយុ២១ឆ្នាំ រស់នៅភូមិទ្វីខាងជេីង សង្កាត់អណ្តូងខ្មែរ ក្រុងកំពត ខេត្តកំពត
០៣.តាំង រួច ភេទទី៣ អាយុ២៥ឆ្នាំ រស់នៅភូមិក្រាំង សង្កាត់ក្រាំងអំពិល ក្រុងកំពត ខេត្តកំពត
០៤.ឡេង តាយ ភេទ ប្រុស អាយុ៣០ឆ្នាំ រស់នៅភូមិក្រាំង សង្កាត់ក្រាំងអំពិល ក្រុងកំពត ខេត្តកំពត
០៥.ហ៊ាន ថារ៉ាន់ ភេទ ប្រុស អាយុ២៦ឆ្នាំ រស់នៅភូមិតាអង្គ សង្កាត់ត្រេីយកោះ ក្រុងកំពត ខេត្តកំពត។

មន្ត្រីដដែល បានបន្តឱ្យដឹងទៀតថា ក្នុងការឃាត់ខ្លួនជនសង្ស័នោះដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមាន:
០១.ថ្នាំញៀនប្រភេទម៉ាទឹកកកចំនួន០៩កញ្ចប់ ដែលមានទម្ងន់ស្មើ ៤.៨០ក្រាម
០២.ម៉ូតូ ចំនួន០១គ្រឿង
០៣.ទូរស័ព្ទ ចំនួន០៤គ្រឿង
០៤.ជញ្ជីងចំនួន០១គ្រឿង និងឧបករណ៍សម្រាប់សេពគ្រឿងញៀនមួយចំនួន។

ជនសង្ស័យ ត្រូវបានមន្ត្រីជំនាញកងរាជអាវុធហត្ថ កំពុងកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)