ស្វាយរៀងៈ ជនសង្ស័យម្នាក់ ជាជនជាតិវៀតណាម ត្រូវបាន កម្លាំងមូលដ្ឋានស្រុកចន្ទ្រា បានធ្វើការឃាត់ខ្លួន នៅវេលាម៉ោង ១៨ និង២០នាទី ថ្ងៃទី៣១ ខែធ្នូ ឆ្នាំ២០១៦ ស្ថិតនៅចំណុចភូមិចេក ឃំុសំរោង ស្រុកចន្ទ្រា ខេត្តស្វាយរៀង សង្ស័យជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

នេះបើតាមការឱ្យដឹងពី ភ្នាក់ងារ GRK News បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះមានឈ្មោះ ហ្វាម បាវតង ភេទប្រុស អាយុ២៥ឆ្នាំ ជនជាតិវៀតណាម មានមុខរបររត់ម៉ូតូឌុប មានទីលំនៅភូមិលេខ៤ ឃុំមីវីតៃ ស្រុកឌឹកវ៉េ ខេត្តឡុងអាង ប្រទេស វៀតណាម ។

ភ្នាក់ងារ បានបន្តឱ្យដឹងទៀតថា ជនសង្ស័យនេះ គឺជាមុខសញ្ញាចែកចាយគ្រឿងញៀនយ៉ាងសកម្ម នៅចំណុចមូលដ្ឋានខាងលើ។

ភ្នាក់ងារ បានបញ្ជាក់អោយដឹងទៀតថា ក្នុងប្រតិបត្តិការបង្ក្រាបនោះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
១. ថ្នាំញៀនប្រភេទម៉ាទឹកក ចំនួន០១កញ្ចប់
២. ទូរស័ព្ទ ចំនួន០២ គ្រឿង
៣. ម៉ូតូ ចំនួន០១ គ្រឿង ។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)