អហ ភ្នំពេញ៖ វេលាម៉ោង១៥និង៣០នាទី ថ្ងៃទី១៦ ខែកញ្ញា ឆ្នាំ២០១៥ នៅចំណុចផ្ទះលេខ៣ ផ្លូវលេខ៧ ភូមិទួលរការ សង្កាត់ចាក់អង្រែក្រោម ខណ្ឌមានជ័យ មានចោរលួចលុយក្នុងផ្ទះខាងលើ។ ម្ចាស់ផ្ទះឈ្មោះ កៅ មុយលុន ភេទប្រុស អាយុ៥១ឆ្នាំ មុខរបរលក់ដូរចាប់ហួយ​បាន​ប្រាប់​ឱ្យដឹងថា ជនសង្ស័យមានគ្នា៣នាក់ (ស្រីម្នាក់) ជិះម៉ូតូម៉ាកសង់កូរ៉េ ព័ណក្រហមមិនដឹងស្លាកលេខ បានចូលធ្វើសកម្មភាព ដោយចូលទិញ​ឥវ៉ាន់​និយាយ​តម្លៃចុះឡើងហើយគ្នាវាម្នាក់បានចូលទៅលួចយកលុយពីក្នុងទូរ ហើយត្រូវបានម្ចាស់ផ្ទះដឹងទាន់ក៏មានការប្រតាយប្រតប់វ៉ៃ​តដៃគ្នា​ពេលនោះ​អ្នកជិត​ខាងបានមក​ជួយចាប់ជនសង្ស័យបាន ចំណែកឯ ២នាក់ទៀតបានជិះម៉ូតូគេចខ្លួនបាត់ ។ ពេលនោះកម្លាំង​អាវុធហត្ថ​ខណ្ឌមានជ័យបាន​ទៅធ្វើ​អន្តរាគមន៍ហើយនាំខ្លួនជនសង្ស័យមកសាកសួរ។ ជនសង្ស័យឈ្មោះ ហេង វាសនា ភេទប្រុសអាយុ២២ឆ្នាំ មុខរបរមិនប្រាកដ ទីលំនៅភូមិព្រៃរំដួល ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ បានសារភាពថាក្រុមខ្លួនពិតជាបានធ្វើសកម្មភាព​ចូលទិញ​បន្លំនិងលួច​លុយគេមែនតែមិនបានសម្រេចត្រូវគេចាប់បាន។