រតនគិរីៈ នៅវេលាម៉ោង ១១ និង៣០នាទី ថ្ងៃទី០៦ ខែមករា ឆ្នាំ២០១៧ កម្លាំងមូលដ្ឋានកងរាជអាវុធហត្ថក្រុងបានលុង បានធ្វើការឃាត់ខ្លួនជនសង្ស័យម្នាក់ ស្ថិតនៅចំណុចភូមិ អូរកន្តិល សង្កាត់ បឹងកន្សែង ក្រុងបានលុង ខេត្ត រតនគីរី ជាប់ពាក់ព័ន្ធជាមួយករណីរក្សាទុក និងប្រើប្រាស់នូវសារធាតុញៀន ។

មន្ត្រីមូលដ្ឋានកងរាជអាវុធហត្ថក្រុងបានលុង បានប្រាប់ភ្នាក់ងារGRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះមានឈ្មោះ សឿន យៀន ភេទ ប្រុស អាយុ២១ឆ្នាំ ជនជាតិខ្មែរ មុខរបរលក់ដូរ ទីលំនៅភូមិអូរកន្តិល សង្កាត់បឹងកន្សែង ក្រុង បានលុង ខេត្តរតនគីរី ។

មន្ត្រីដដែល បានបន្តឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះ គឺ ស្របពេលដែល កម្លាំងមូលដ្ឋានកងរាជអាវុធហត្ថក្រុងបានលុង កំពុងបំពេញបេសកកម្ម ល្បាត ការពារធានា សុវត្ថិភាព ជូនបងប្អូនប្រជាពលរដ្ឋនៅចំណុចកើតហេតុខាងលើ ស្រាប់តែប្រទះឃើញជនសង្ស័យខាងលើ ហាក់ដូចជាមានការសង្ស័យ ពេលនោះ កម្លាំងកងរាជអាវុធហត្ថ ក៏បានសុំជនសង្ស័យនោះធ្វើការឆែកឆេរ ស្រាប់តែពេលនោះ ជនសង្ស័យខាងលើ បានព្យាយាមរត់គេច ធ្វើអោយកម្លាំងដេញតាមធ្វើការឃាត់ខ្លួន និងបានចាប់យកវត្ថុតាងមួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកកចំនួន០៤កញ្ចប់ ដែលមានទម្ងន់ស្មើ ០.៦៩ក្រាម
០២. ទូរស័ព្ទ ចំនួន០១គ្រឿង
០៣. លុយខ្មែរ ចំនួន២ម៉ឺនរៀល។

ជនសង្ស័យ ត្រូវបានមន្ត្រីជំនាញកងរាជអាវុធហត្ថ កំពុងកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)