អហ កណ្តាល៖ វេលាម៉ោង២០និង១៥នាទី ថ្ងៃទី១៦ ខែកញ្ញា ឆ្នាំ២០១៥ ចំណុចមុខហាងសាច់គោអាំង168 ស្ថិតនៅភូមិដើមគ សង្កាត់ដើមមៀន ក្រុងតាខ្មៅ ខេត្តកណ្តាល កម្លាំងអាវុធហត្ថឃើញរថយន្តមួយគ្រឿង ម៉ាក់ វីស្ទូ(visto)ពណ៌ទឹកប្រាក់ គ្មានផ្លាក់លេខ ចតចោលមួយ​យប់​នៅមុខហាងសាច់គោអាំង១៦៨។ ដំណើរឿងហេតុ៖ ពេលកម្លាំងអាវុធហត្ថក្រុងតាខ្មៅចុះល្បាតក្នុងភូមិសាស្ត្រ នៅថ្ងៃទី១៥ ខែកញ្ញា ឆ្នាំ២០១៥ បានឃើញរថយន្តម៉ាក់ Visto មួយគ្រឿង ចតទុកចោល លុះម៉ោងថ្ងៃខាងលើ កម្លាំងចុះល្បាត​ម្តងទៀតឃើញ​រថយន្ត​នេះនៅចតកន្លែងដដែល ដោយមានការសង្ស័យក៏សាកសួរប្រជាពលរដ្ឋនៅទីនោះ ពួកគាត់បានប្រាប់ថា ឃើញរថយន្តនេះ​ចតចោល​នៅ​មុខហាង168 រយះពេលមួយយប់មួយថ្ងៃមកហើយ។ តាមការត្រួតពិនិត្យ របស់ជំនាញអាវុធហត្ថខេត្តទៅលើរថយន្តគឺគ្មានស្លាកលេខ ឬបណ្ណ​សំគាស់អ្វីទេ ហើយមានស្នាមមួលបំបែកគ្រាប់សោរ។ តាមការសន្និដ្ឋានករណីនេះ អាចជាអំពើលួច ពេលជួប​កម្លាំង​អាវុធ​ហត្ថ​ក្រុងតាខ្មៅ​កំពុង​ល្បាត ជនសង្ស័យក៏ទុករថយន្តចោលតែម្តង។ បច្ចុប្បន្ន រថយន្តបានអូសយកទៅរក្សាទុកនៅ មូលដ្ឋានកងរាជអាវុធហត្ថក្រុងតាខ្មៅ ដើម្បីស្វែង​រកម្ចាស់​និងធ្វើការស្រាវជ្រាវបន្ត។