អហ ស្ទឹងត្រែង៖ នៅវេលាម៉ោង១២និង១៧នាទី ថ្ងៃទី១៧ ខែកញ្ញា ឆ្នាំ២០១៥ ដោយមានការបញ្ជាផ្ទាល់ពីឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស លោក ឧត្តមសេនីយ៍ត្រី អៀង វ៉ាន់ឌី មេបញ្ជាការ​កងរាជអាវុធហត្ថខេត្តស្ទឹងត្រែង បានដឹកនាំកម្លាំងចុះបង្ក្រាបការជួញដូរគ្រឿងញៀនមួយកន្លែង នៅចំណុចភូមិ/ឃុំកំពង់ស្រឡៅ ស្រុកឆែប ខេត្តព្រះវិហារ កិច្ចប្រតិបត្តិការនេះក៏មានការអនុញ្ញាតពន្លាតដែនសមត្ថកិច្ចពីលោក ជា ពេជ្រ ព្រះរាជអាជ្ញាអមសាលា​ដំបូងខេត្ត​ស្ទឹងត្រែងផងដែរ។ កម្លាំងជំនាញបានឃាត់ខ្លួនជនសង្ស័យចំនួន០២នាក់ (ជនជាតិខ្មែរ០១នាក់និងជនជាតិឡាវចំនួន០១នាក់) និងចាប់យក​ថ្នាំញៀន​ប្រភេទ​មេតំហ្វេតាមីន​គ្រាប់ (WY) បានចំនួន១១កញ្ចប់=២១៩០គ្រាប់។