ឧត្តរមានជ័យៈ ក្មេងទំនើងចំនួន០៥នាក់ ត្រូវបាន កម្លាំងមូលដ្ឋាន កងរាជអាវុធហត្ថក្រុងសំរោង បានធ្វើការឃាត់ខ្លួន នៅវេលាម៉ោង ១១ និង០០នាទី ថ្ងៃទី១១ ខែមករា ឆ្នាំ២០១៧ ស្ថិតនៅចំណុចភូមិផ្អុង សង្កាត់ កូនគ្រៀល ក្រុង សំរោង ខេត្តឧត្តរមានជ័យ បន្ទាប់ពីបានធ្វើការវាយតប់គ្នានៅតាមដងផ្លូវ។

មន្ត្រីមូលដ្ឋាន កងរាជអាវុធហត្ថក្រុងសំរោង បានប្រាប់ភ្នាក់ងារ GRK News ឱ្យដឹងថា ក្មេងទំនើងទាំង០៥នាក់នោះរួមមានឈ្មោះៈ
០១. សោម ធី ភេទប្រុស អាយុ ៤៥ឆ្នាំ មុខរបរកម្មករ
០២. ចាន់ តារាពេជ្រ ភេទប្រុស អាយុ៣៨ឆ្នាំមុខរបរ ធ្វេីស្រែ
០៣. រ៉ា ចាន់ណា ភេទប្រុស អាយុ ២៣ឆ្នាំមុខរបរ ធ្វេីស្រែ
០៤. ប៉ុល សុភារះ ភេទប្រុស អាយុ២៣ឆ្នាំមុខរបរ កម្មករ
០៥. គង់ សិទ្ធ ភេទប្រុស អាយុ២២ឆ្នាំមុខរបរ កម្មករ
អ្នកទាំង០៥នាក់រស់នៅភូមិអូរពក សង្កាត់ កូនគ្រៀល ក្រុងសំរោង ខេត្តឧត្តរមានជ័យ។
មន្ត្រីដដែល បានបន្តឱ្យដឹងទៀតថា ក្នុងការឃាត់ខ្លួនក្មេងទំនើងខាងលើនេះដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនរួមមានៈ
០១.ទូរស័ព្ឌដៃចំនួន០៦គ្រឿង
០២.ប្រាក់ខ្មែរចំនួន២០០០០០រៀលនិងប្រាក់បាតចំនួន៥០០បាត
០៣.កាំបិតចុងស្រូចចំនួន០១
០៤.កាំបិតផ្គាក់ចំនួន០២
០៥.រថយន្តចំនួន០១គ្រឿង ម៉ាក ម៉ាសស្តា ពណ៍ទឹកប្រាក់ ពាក់ស្លាកលេខ.ភ្នំពេញ ២.AC៦៧៤៥

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ កំពុងកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)