កំពង់ចាមៈ នៅវេលាម៉ោង២៤ និង២០នាទី យប់ថ្ងៃទី១១ ខែមករា ឆ្នាំ២០១៧ កម្លាំងកងរាជអាវុធហត្ថខេត្តកំពង់ចាម សហការជាមួយ កម្លាំងមូលដ្ឋាន កងរាជអាវុធហត្ថក្រុងកំពង់ចាម បានធ្វើការឃាត់ខ្លួន ជនសង្ស័យចំនួន០៦នាក់ ស្ថិតនៅចំណុចភូមិទី៦ សង្កាត់វាលវង់ ក្រុងកំពង់ចាម ខេត្តកំពង់ចាម សង្ស័យជាប់ពាក់ព័ន្ធជាមួយសារធាតុញៀន។

មន្ត្រីមូលដ្ឋានកងរាជអាវុធហត្ថក្រុងកំពង់ចាម បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
០១. លីន ពេជ្រវណ្ណអរុណ ភេទប្រុស អាយុ១៦ឆ្នាំ មុខរបរសិស្ស រស់នៅភូមិថ្មី ឃំុរំចេក ស្រុកកំពង់សៀម ខេត្តកំពង់ចាម
០២. ជាង លីហួច ភេទប្រុស អាយុ១៧ឆ្នាំ មុខរបរសិស្ស រស់នៅភូមិថ្មី ឃំុរំចេក ស្រុកកំពង់សៀម ខេត្តកំពង់ចាម
០៣. ឡេង ដាលិះ ភេទប្រុស អាយុ១៧ឆ្នាំ មុខរបរសិស្ស រស់នៅភូមិកំពង់ឬស្សី ឃំុជីរោទ្តិទី២ ស្រុកត្បូងឃ្មុំ ខេត្តក្បូងឃ្មុំ
០៤. ទូលាស់ ម៉ាអាត ភេទប្រុស អាយុ៣៣ឆ្នាំ ជនជាតិឥស្លាម មុខរបរកម្មករសំណង់ រស់នៅភមិអង្គបាន ឃុំអង្គរបាន ស្រុកកងមាស ខេត្តកំពង់ចាម
០៥. កូប សារី ភេទប្រុស អាយុ៣៥ឆ្នាំ ជនជាតិឥស្លាម មុខរបរកម្មករ ទីលំនៅភូមិកំពង់ក្តី ឃុំកំពង់ក្តី ស្រុកជីក្រែង ខេត្តសៀមរាប
០៦. រិទ្ធ ម៉ារី ភេទស្រី អាយុ១៤ឆ្នាំ ជនជាតិឥស្លាម មុខរបរមិនពិតប្រាកដ រស់នៅភូមិព្រែកទូច ឃុំជីរោទ្តិ១ ស្រុកត្បូងឃ្មំុ ខេត្តត្បូងឃ្មុំ។

មន្ត្រីដដែល បានបញ្ជាក់ឱ្យដឹងទៀតថា ក្នុងប្រតិបត្តិការបង្ក្រាបនោះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
០១. ម៉ូតូ ចំនួន០២គ្រឿង
០២. ទូរស័ព្ទ ចំនួន០២គ្រឿង និងឧបករណ៍សម្រាប់សេពគ្រឿងញៀនមួយចំនួន។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទ ម៉ាន់ ដាវីត)