កំពង់ចាមៈ នៅវេលាម៉ោង ១៣ និង៥០នាទី ថ្ងៃទី១១ ខែមករា ឆ្នាំ២០១៧ ជនសង្ស័យចំនួន០៤នាក់ ត្រូវបាន កម្លាំងមូលដ្ឋាន កងរាជអាវុធហត្ថក្រុងកំពង់ចាម ធ្វើការឃាត់ខ្លួន ស្ថិតនៅចំណុចភូមិទី៦ សង្កាត់វាលវង់ ក្រុងកំពង់ចាម ខេត្តកំពង់ចាម សង្ស័យជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

នេះបើតាមការអោយដឹងពី មន្ត្រីមូលដ្ឋានកងរាជអាវុធហត្ថក្រុងកំពង់ចាម បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
១. យ៉ាន ចិន្តា ភេទស្រី អាយុ១៩ឆ្នាំ ជនជាតិឥស្លាម មុខរបរនៅមិនពិតប្រាកដ
ទីលំនៅស្រុកសន្ទុក ខេត្តកំពង់ធំ
២. ឈុន សង្រ្គាម ភេទប្រុស អាយុ១៨ឆ្នាំ ជនជាតិខ្មែរ មុខរបររត់តុការ រស់នៅភូមិស្លាបក្ដោង ឃុំជប់ ស្រុកត្បូងឃ្មុំ ខេត្តត្បូងឃ្មុំ
៣.ម៉ាត់ វី ភេទប្រុស អាយុ២១ឆ្នាំ ជនជាតិឥស្លាម រស់នៅភូមិព្រែកតូច ឃុំជីរោទ្តិ១ ស្រុកត្បូងឃ្មុំ ខេត្តត្បូូងឃ្មុំ
៤.យ៉ា ប៉េស ភេទប្រុស អាយុ៣៨ឆ្នាំ ជនជាតិឥស្លាម មុខរបរមិនពិតប្រាកដ រស់នៅភូមិព្រែកតូច ឃុំជីរោទ្តិ១ ស្រុកត្បូងឃ្មុំ ខេត្តត្បូងឃ្មុំ។

មន្ត្រីដដែល បានបញ្ជាក់ឱ្យដឹងទៀតថា ក្នុងការឃាត់ខ្លួនជនសង្ស័យខាងលើនោះដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
១. ថ្នាំញៀនប្រភេទម៉ាទឹកកក ចំនួន១៥កញ្ចប់ ដែលមានទម្ងន់ ១១.៣៥ក្រាម
២.ម៉ូតូ ចំនួន០១គ្រឿង
៣.ទូរស័ព្ទ ចំនួន០៥គ្រឿង
៤.ជញ្ជីងចំនួន០១គ្រឿង និងឧបករណ៍សម្រាប់សេពគ្រឿងញៀនមួយចំនួន។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ កំពុងកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)