អហ ភ្នំពេញ៖ នៅវេលាម៉ោង០០និង០០នាទី យប់ថ្ងៃទី១៩ ខែកញ្ញា ឆ្នាំ២០១៥ កម្លាំងអាវុធហត្ថល្បាតបានឃាត់ខ្លួនជនសង្ស័យចំនួន០២នាក់ នៅចំណុចភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ។ ១/ឈ្មោះ សំ ឧត្តម ភេទប្រុស អាយុ២៤ឆ្នាំ មុខរបរមន្ត្រីប៉ូលិស ប៉ុស្តិ៍នគបាលរដ្ឋបាល ឃុំព្រែកពោធិ៍ ស្រុកស្រីសន្ធរ ខេត្តកំពុងចាម ទីលំនៅបច្ចុប្បន្ន ខេត្តកំពង់ចាម។ ២/ឈ្មោះ សំ បញ្ញា ត្រូវជាប្អូនបង្កើតជនសង្ស័យទី១ មានទីលំនៅខេត្តកំពង់ចាម។ ដំណើររឿង៖ នៅពេលកម្លាំងល្បាតតាមភូមិសាស្ត្រ ភូមិភ្នាត ចំណុចក្បែរសាលាមត្តេយ្យ សង្កាត់ស្ទឹងមានជ័យ ខណ្ឌមានជ័យ ស្រាប់តែឃើញជនសង្ស័យទាំង២នាក់ខាងលើ ជិះម៉ូតូម៉ាកសង់ប៊ិច ពណ៍ខ្មៅ ស្លាកលេខនគបាល ហើយស្លៀកពាក់ស៊ីវិល ទើបមានការសង្ស័យហើយក៏ដេញតាមតែជនសង្ស័យជិះលឿនៗទៅ លុះដល់ចំណុចខាងលើ ស្រាប់តែជនសង្ស័យមិនស្គាល់ផ្លូវ ហើយជិះចូលផ្លូវទាល់ទៅមុខមិនរួចទើបកម្លាំងសួរនាំនិងនាំខ្លួនមកអង្គភាព។ កម្លាំងជំនាញស្តាប់ចម្លើយហើយចាប់យកវត្ថុតាង ១/អាវុធខ្លី ម៉ាក (Lock 54) មួយដើម និងបង់មួយមានគ្រាប់ចំនួន៧គ្រាប់ គ្មានលិខិតអនុញ្ញាត។
