តាកែវៈ នៅវេលាម៉ោង១១ និង០០នាទី ព្រឹកថ្ងៃទី១៩ ខែមករា ឆ្នាំ២០១៧ កម្លាំងកងរាជអាវុធហត្ថខេត្តតាកែវ សហការ ជាមួយកម្លាំងស្នាក់ការ សន្តិសុខ៣០១ បានធ្វើការឃាត់ខ្លួន ជនសង្ស័យចំនួន០២នាក់ ស្ថិតនៅចំណុចភូមិទួលតាចិនឃុំខ្វាវ ស្រុកសំរោង ខេត្តតាកែវ ជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

នេះបើតាមការឱ្យដឹងពី ភ្នាក់ងារ GRK News ប្រចាំខេត្តតាកែវ បានឱ្យដឹងថា ជនសង្ស័យទាំង០២នាក់ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
០១. អោម បញ្ញា ភេទប្រុស អាយុ២៤ឆ្នាំ រស់នៅភូមិទូលតាចិន ឃំុខ្វាវ ស្រុកសំរោង ខេត្ត តាកែវ
០២. ម៉ៅ ពេជ្រ ភេទប្រុស អាយុ២០ឆ្នាំ រស់នៅភូមិតំណាក់ត្រាច ឃំុទូលអំពិល ស្រុកបសេដ្ន ខេត្តកំពង់ស្ពឹ។

ភ្នាក់ងារដដែល បានបញ្ជាក់ឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
០១.ថ្នាំញៀនប្រភេទម៉ាទឹកក ចំនួន០៣កញ្ចប់
០២.ទូរស័ព្ទ ចំនួន០១គ្រឿង
០៣. កាបូបចំនួន០១ និងសម្ភារៈសម្រាប់ប្រើប្រាស់គ្រឿងញៀនមួយចំនួន។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)