កំពង់ចាមៈ នៅវេលាម៉ោង១០ និង០០នាទី ព្រឹកថ្ងៃទី២៣ ខែមករា ឆ្នាំ២០១៧ កម្លាំងកងរាជអាវុធហត្ថខេត្តកំពង់ចាម សហការជាមួយ កម្លាំងមូលដ្ឋាន កងរាជអាវុធហត្ថស្រុកកងមាស បានធ្វើការឃាត់ខ្លួនជនសង្ស័យចំនួន០៧នាក់ ស្ថិតនៅចំណុចភូមិពាមជីកង ឃុំពាមជីកង ស្រុកកងមាស ខេត្តកំពង់ចាម ជាប់ពាក់ព័ន្ធជាមួយសារធាតុញៀន។

នេះបើតាមការឱ្យដឹងពី មន្ត្រីកងរាជអាវុធហត្ថខេត្តកំពង់ចាម បានប្រាប់ភ្នាក់ងារ GRK News ឱ្យដឹងថា ជនសង្ស័យ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះ ៈ
០១. ឆឹង កុសល ភេទប្រុស អាយុ២៨ឆ្នាំ រស់នៅភូមិពាមជីកង ឃុំពាមជីកង
ស្រុកកងមាស ខេត្តកំពង់ឆ្នាំង
០២. ឆឹង ពិសិដ្ឋ ភេទប្រុសអាយុ២៧ឆ្នាំ រស់នៅភូមិពាមជីកង ឃុំពាមជីកង
ស្រុកកងមាស ខេត្តកំពង់ឆ្នាំង
០៣. ជំុ សុឃាម ភេទប្រុស អាយុ២៦ឆ្នាំ រស់នៅភូមិថ្មី ឃុំរកាគយ ស្រុកកងមាស ខេត្តកំពង់ឆ្នាំង
០៤. សេង ភារិទ្ធ ភេទប្រុស អាយុ២៦ឆ្នាំ រស់នៅភូមិថ្មី ឃុំរកាគយ ស្រុកកងមាស ខេត្តកំពង់ឆ្នាំង
០៥. សឿន ហ្ស៊ោ ភេទប្រុស អាយុ៣៥ឆ្នាំ រស់នៅភូមិថ្មី ឃុំរកាគយ ស្រុកកងមាស ខេត្តកំពង់ឆ្នាំង
០៦. ស៊ូ ហាមី ភេទប្រុស អាយុ១៦ឆ្នាំ ជនជាតិឥស្លាម រស់នៅភូមិស្វាយតាហែន ឃុំរកាគយ ស្រុកកងមាស ខេត្តកំពង់ឆ្នាំង
០៧. សុះ ម៉ាត់ ភេប្រុស អាយុ១៦ឆ្នាំ រស់នៅភូមិស្វាយតាហែន ឃុំរកាគយ ស្រុកកងមាស ខេត្តកំពង់ឆ្នាំង។

មន្ត្រីដដែល បានបន្តឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះ កម្លាំងកងរាជអាវុធហត្ថ ក៏បានចាប់យកបាន នូវវត្ថុតាងមួយចំនួនរួមមានៈ
០១. ថ្នាំញៀនប្រភេទម៉ាទឹកកក ចំនួន០១កញ្ចប់ ដែលមានទំងន់០.១៥ក្រាម
០២. ម៉ូតូ ចំនួន០២គ្រឿង
០៣. ទូរស័ព្ទ ចំនួន០៥គ្រឿង។

ជនសង្ស័យ និងវត្ថុាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)