កំពត៖នៅវេលាម៉ោង ១៨ និង ៥៥ នាទីថ្ងៃទី២៣ខែកញ្ញាឆ្នាំ២០១៥ កម្លាំងមន្ទីរស្រាវជ្រាវ អហ ខេត្តបានចុះបង្ក្រាបករណីឆក់ខ្សែករនៅភូមិកំពង់បាយខាងត្បូង សង្កាត់ កំពង់បាយ ក្រុងកំពត ខេត្តកំពត ដោយធ្វើការឃាត់ខ្លួនជនសង្ស័យបាន ០១ នាក់ ។ជនសង្ស័យដែលកម្លាំងមន្ទីរស្រាវជ្រាវ អហ ខេត្តធ្វើការឃាត់ខ្លួននោះមានឈ្មោះ ដា នីត ភេទប្រុស អាយុ ៣០ ឆ្នាំ ជនជាតិខ្មែរ រស់នៅភូមិអណ្តូងខ្មែរ សង្កាត់អណ្តូងខ្មែរ ក្រុង កំពតមុខរបរជាអ្នករត់ម៉ូតូឌុប។
ក្រោយធ្វើការឃាត់ខ្លួន សមត្ថកិច្ចប្រមូលបានវត្ថុតាង រួមមាន ម៉ូតូ C125 ពណ៌ខ្មៅស៊េរី ២០១៤ ពាក់ស្លាកលេខ កំពត 1H:9409 ។ ដោយឡែកខ្សែករផ្លាទីនទម្ងន់ ១.៥ ហ៊ុនត្រូវបានជនសង្ស័យយកទៅលក់បាត់ ។
បច្ចុប្បន្នជនសង្ស័យត្រូវបានមន្ទីរយុត្តិធម៌ខេត្ត កសាងសំណុំរឿងបញ្ចូនទៅកាន់សាលាដំបូងខេត្តដើម្បីចាត់ការទៅតាមនីតិវិធី ៕
