ឧត្តរមានជ័យៈ នៅវេលាម៉ោង១៥ និង៣០នាទី រសៀលថ្ងៃទី២៦ ខែមករា ឆ្នាំ២០១៧ កម្លាំងកងរាជអាវុធហត្ថខេត្តឧត្តរមានជ័យ សហការជាមួយ កម្លាំងមូលដ្ឋាន កងរាជអាវុធហត្ថក្រុុងសំរោង បានធ្វើការឃាត់ខ្លួន ជនសង្ស័យចំនួន០៤នាក់ ស្ថិតនៅចំណុចភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ ជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

នេះបើតាមការឱ្យដឹងពី ភ្នាក់ងារ GRK News ប្រចាំខេត្តបាត់ដំបង បានប្រាប់ឱ្យដឹងថា ជនសង្ស័យ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
០១. ស្រស់ ភក្ដី ភេទប្រុស អាយុ៣០ឆ្នាំ មុខរបរជាងពិដាន រស់នៅភូមិ អូរក្រវ៉ាន់ សង្កាត់សំរោង ក្រុងសំរោង ខេត្តឧត្តរមានជ័យ
០២. ប៉ិប ការ៉ាន់ ភេទប្រុស អាយុ២១ឆ្នាំ មុខរបរចុងភៅ រស់នៅភូមិពុរ សង្កាត់សំរោង ក្រុងសំរោង ខេត្តឧត្តរមានជ័យ
០៣. ថា ថេត ភេទស្រី អាយុ២៧ឆ្នាំ មុខរបរកម្មកររោងចក្រ រស់នៅភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ
០៤. យ៉ិន ស្រីឡឹង ភេទស្រី អាយុ១៩ឆ្នាំ មុខរបរលក់ដូរ រស់នៅភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ។

ភ្នាក់ងារដដែល បានបញ្ជាក់ឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
០១.ថ្នាំញៀនប្រភេទម៉ាទឹកក ចំនួន០៣កញ្ចប់
០២. ទូរស័ព្ទដៃ ចំនួន០១គ្រឿង
០៣. ដែកកេះ ចំនួន៣០
០៤. កន្រ្តៃ ចំនួន0១
០៥. ប៊ិច ចំនួន0១
០៦.បារី ចំនួន0១កញ្ចប់ ។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទ ម៉ាន់ ដាវីត)