អហ.ខេត្តកណ្តាល៖ នៅថ្ងៃទី២៤ ខែកញ្ញា ឆ្នាំ២០១៥ វេលាម៉ោង១៧និង៥០នាទី នៅចំណុចលើផ្លូវជាតិលេខ02 ស្ថិតក្នុងភូមិស្រុកកោះធំ ឃុំជើងកើប ជាប់ព្រុំប្រទល់រាជធានីភ្នំពេញ កង​កម្លាំងកងរាជអាវុធខេត្តកណ្តាល បានចុះបង្ក្រាបករណី រក្សាទុក និងដឹកជញ្ជូនដោយខុសច្បាប់នូវសារធាតុញៀន ដោយឃាត់ខ្លួនបានជនសង្ស័យ០១នាក់​។​
ជនសង្ស័យដែល​កម្លាំងកងរាជ​អាវុធហត្ថ​ធ្វើការឃាត់ខ្លួនបានមានឈ្មោះ សោម ចិត្រា ភេទប្រុស អាយុ28ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅភូមិ-ឃុំបឹងខ្យាង ស្រុក
កណ្តាលស្ទឹង ខេត្តកណ្តាល ។ ជាមួយនឹងគ្នានេះដែរកម្លាំងជំនាញ​បានចាប់យកវត្ថុតាង រួមមាន គ្រឿងញៀន(ម៉ាទឹកកក) ចំនួន03កញ្ចប់តូច និង ម៉ូតូ01គ្រឿងម៉ាក វីវ៉ា ពណ៌ខ្មៅ ស្លាកលេខ ភ្នំពេញ 1E-2686 ។​
ដំណើរដើមទង​ឈានដល់ការឃាត់ខ្លួនជនសង្ស័យរូបនេះ ខណៈពេលដែលកម្លាំងជំនាញមន្ទីរយុត្តិធម៌ កំពុងល្បាតចល័ត តាមដងផ្លូវជាតិលេខ2ព ក៏ប្រទះឃើជនសង្ស័យដែលជាមុខសញ្ញាចាស់ ទើបចេញពីពន្ធនាគារ កំពុងជិះម៉ូតូដោយមានការសង្ស័យកម្លាំងយើងហៅអោយឈប់ធ្វើការត្រួតពិនិត្យ ស្រាប់តែជនសង្ស័យបានបោះកញ្ចប់នំប័ង ទៅក្នុងទឹកជាប់នឹងផ្លូវ ទើបកម្លាំង យើងរើសយកមកឆែកឆេរ ឃើញមានគ្រឿងញៀនបីកញ្ចប់តូចបង្កប់ក្នុងថង់នំ ។ក្រោយពីការសួរណែនាំដោយផ្អែកលើវត្ថុតាង កម្លាំងជំនាញ​បានធ្វើសំណុំរឿង​ចាត់ការ​ទៅតាមនីតិវិធី ៕