ឧត្តរមានជ័យៈ នៅវេលាម៉ោង១៥ និង៣០នាទី រសៀលថ្ងៃទី៣០ ខែមករា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកអន្លង់វែង បានធ្វើការឃាត់ខ្លួន ជនសង្ស័យចំនួន០២នាក់ ស្ថិតនៅចំណុចភូមិអភិវឌ្ឍន៍ ស្រុក អន្លង់វែង ខេត្តឧត្តរមានជ័យ ជាប់ពាក់ព័ន្ធជាមួយសារធាតុញៀន។

នេះបើតាមការឱ្យដឹងពី ភ្នាក់ងារ GRK News ប្រចាំខេត្តឧត្តរមានជ័យ បានប្រាប់ឱ្យដឹងថា ជនសង្ស័យ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
០១. សោម ចាន់ដារា ភេទ ប្រុស អាយុ២៩ឆ្នាំ រស់នៅភូមិអូរជញ្ជៀន ស្រុក អន្លង់វែង ខេត្តឧត្តរមានជ័យ
០២. ឆន ម៉ៃ ភេទប្រុស អាយុ២៤ឆ្នាំ រស់នៅភូមិអភិវឌ្ឍន៍ ឃុំ ស្រុក អន្លង់វែង ខេត្តឧត្តរមានជ័យ។
ភ្នាក់ងារដដែល បានបញ្ជាក់ឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
០១.ថ្នាំញៀនប្រភេទម៉ាទឹកក ចំនួន០១កញ្ចប់
០២. ទូរស័ព្ទដៃ ចំនួន០៤គ្រឿង
០៣. ដែកកេះ ចំនួន០៥
០៤. លុយខ្មែរចំនួន៤០០០០រៀល និងឧបករណ៍សម្រាប់សេពសារធាតុញៀនមួយចំនួន។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទ ម៉ាន់ ដាវីត)