ភ្នំពេញៈ នៅព្រឹកថ្ងៃទី០៧ ខែកុម្ភៈ ឆ្នាំ២០១៧ មន្ត្រីជំនាញនៃការិយាល័យបង្រ្កាបបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានបញ្ជូនជនសង្ស័យប្រុស-ស្រី ចំនួន១២នាក់ មានជាប់ពាក់ព័ន្ធករណីគ្រឿងញៀន ទៅតុលាការដើម្បីផ្តន្ទាទោស ទៅតាមផ្លូវច្បាប់។
ជនសង្ស័យប្រុស-ស្រីទាំង១២នាក់នេះ ត្រូវបានកម្លាំងអាវុធហត្ថរាជធានីភ្នំពេញ បានធ្វើការឃាត់ខ្លួនបានជាបន្តបន្ទាប់កាលពីថ្ងៃទី០៤-០៥ ខែកុម្ភៈ ឆ្នាំ២០១៧ កន្លងមក។ ជាក់ស្តែង៖
– ជនសង្ស័យ០៥នាក់ មានឈ្មោះដួង ម៉ៅ ភេទស្រី អាយុ៤១ឆ្នាំ , ឆាន ស្រីណាក់ ភេទស្រី អាយុ៣០ឆ្នំា , ឆេន មុន្នីពេជ្រ ភេទស្រី អាយុ១៨ឆ្នាំ , គុយ ស៊ីថា ភេទប្រុស អាយុ៣៤ឆ្នាំ និង នួន កក្កដា ភេទប្រុស អាយុ២៣ឆ្នាំ ត្រូវបានកម្លាំងការរិយាល័យជំនាញបង្រ្កាបគ្រឿងញៀនអាវុធហត្ថរាជធានីភ្នំពេញ ឃាត់ខ្លួននៅថ្ងៃទី០៤ កុម្ភៈ ឆ្នាំ២០១៧ ម៉ោង០៤:០០នាទី ចំនុចបន្ទប់ជួលគ្មានលេខ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
– ជនសង្ស័យ ០៣នាក់ មានឈ្មោះប៉ាង រ៉ាវន់ ភេទប្រុស អាយុ២៩ឆ្នាំ , ហ៊ាន វណ្ណា ភេទប្រុស អាយុ២៥ឆ្នាំ និង ឈ្មោះឃុន សុឃាច ភេទប្រុស អាយុ២២ឆ្នាំ ត្រូវបានកម្លាំងអាវុធហត្ថខណ្ឌមានជ័យឃាត់ខ្លួន នៅថ្ងៃទី០៤ ខែកុម្ភៈ ឆ្នាំ២០១៧ នៅម៉ោង២១:00នាទីយប់ នៅចំណុចបន្ទប់ជូលលេខ០១ ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
– ជនសង្ស័យ ០២នាក់ មានឈ្មោះសរ ចំរើន ហៅវែង ភេទប្រុស អាយុ២៨ឆ្នាំ ត្រូវបានអាវុធហត្ថខណ្ឌដូនពេញ សហការជាមួយកម្លាំងការិយាល័យជំនាញអាវុធហត្ថរាជធានីភ្នំពេញ ធ្វើការបង្រ្កាប និងឃាត់ខ្លួនបាននៅថ្ងៃទី០៤ ខែកុម្ភៈ ឆ្នាំ២០១៧ ម៉ោង២៣:00នាទី នៅចំណុចផ្លូវសុធារស មុខវត្តឧណ្ណាឡោម សង្កាត់ជ័យជំនះ ខណ្ឌដូនពេញ រាជធានីភ្នំពេញ និងឈ្មោះសោម វិចិត្រ ភេទប្រុស អាយុ២៧ឆ្នាំ ត្រូវបានកម្លាំងអាវុធហត្ថខណ្ឌដូនពេញ ឃាត់ខ្លួនបាននៅម៉ោង១២:០០នាទីយប់នៅថ្ងៃដដែល នៅចំណុច ភូមិ៨ សង្កាត់ផ្សារថ្មី១ ខណ្ឌដូនពេញ រាជធានីភ្នំពេញ ។
– ចុងក្រោយជនសង្ស័យ ០២នាក់ មានឈ្មោះសែម សុចិត្ត្រា ហៅវី ភេទប្រុស អាយុ៣២ឆ្នាំ ត្រូវបានកម្លាំងអាវុធខណ្ឌច្បារអំពៅ សហការជាមួយកម្លាំងជំនាញការិយាល័យបង្ក្រាបបទល្មើសគ្រឿងញៀនអាវុធហត្ថរាជធានីភ្នំពេញ ធ្វើការបង្រ្កាប និងឃាត់ខ្លួនបាននៅថ្ងៃទី០៥ ខែកុម្ភៈ ឆ្នាំ២០១៧ នៅម៉ោង១០:៣០នាទីព្រឹក នៅចំណុចភូមិដើមចាន់២ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ និងឈ្មោះនាង ស្រីដា ហៅញ៉ាញ់ ភេទស្រី អាយុ៣១ ត្រូវបានកម្លាំងអាវុធហត្ថខណ្ឌដូនពេញធ្វើការបង្រ្កាប និងឃាត់ខ្លួនបាន នៅម៉ោង១៥:១០ ល្ងាចថ្ងៃដដែល នៅចំណុចផ្ទះលេខ៣២២ ផ្លូវ១៥៥ ភូមិ៨ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ។
(អត្ថបទ ដូ ឡា)
