ព្រះវិហារៈ នៅវេលាម៉ោង១២ និង៤០នាទី ថ្ងៃទី១២ ខែកុម្ភៈ ឆ្នាំ២០១៧ កម្លាំងមូលដ្ឋាន កងរាជអាវុធហត្ថជាំក្សាន្ត បានធ្វើការឃាត់ខ្លួន ជនសង្ស័យចំនួន០៤នាក់ ស្ថិតនៅចំណុចភូមិស្រអែមខាងជើង ឃុំស្រអែម ស្រុកជាំក្សាន្ត ខេត្តព្រះវិហារ មានជាប់ពាក់ព័ន្ធជាមួយសារធាតុញៀន។

នេះបើតាមការឱ្យដឹងពី មន្ត្រីកងរាជអាវុធហត្ថស្រុកជាំក្សាន្ត បានប្រាប់ភ្នាក់ងារ GRK News ឱ្យដឹងថា ជនសង្ស័យ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
០១. ក្រាក់ សុផាត ភេទ ប្រុស អាយុ ៣៥ មុខរបរមិនពិតប្រាកដ ស្នាក់នៅភូមិស្រអែមខាងជើង ឃុំស្រអែម ស្រុកជាំក្សាន្ត ខេត្តព្រះវិហារ
០២. ពុធ វិត ភេទ ប្រុស អាយុ ៣៣ ឆ្នាំ មុខរបកសិករ រស់នៅ ភូមិង្គោល៨
ឃុំស្រអែម ស្រុកជាំក្សាន្ត ខេត្តព្រះវិហារ
០៣. ខុំ ភេន ភេទ ប្រុស អាយុ ៣៨ ឆ្នាំ មុខរបរមិនពិតប្រាកដ រស់នៅភូមិស្រអែមជើង
ឃុំស្រអែម ស្រុកជាំក្សាន្ត ខេត្តព្រះវិហារ
០៤. រស់ លីណា ភេទ ប្រុស អាយុ ៣១ ឆ្នាំ មុខរបរមិនពិតប្រាកដ ស្នាក់នៅភូមិស្រអែមខាងជើង ឃុំស្រអែម ស្រុកជាំក្សាន្ត ខេត្តព្រះវិហារ។

មន្ត្រីដដែល បានបន្តឱ្យដឹងទៀតថា នៅមុនពេលកើតហេតុ កម្លាំងមូលដ្ឋានស្រុក បានធ្វើការល្បាត ក៏ស្រាប់តែប្រទះឃើញជនសង្ស័យខាងលើ កំពុងតែប្រមូលផ្តុំគ្នានៅចំណុចកើតហេតុខាងលើ។ ភ្លាមៗនោះ ជនសង្ស័យបានឃើញ កម្លាំងកងរាជអាវុធហត្ថ ក៏រត់គេចខ្លួន និងបានបោះថ្នាំចោល ប៉ុន្តែសំណាងមិនល្អ ក៏ត្រូវបានកម្លាំងកងរាជអាវុធហត្ថធ្វើការឃាត់ខ្លួនបាន និងចាប់យកវត្ថុតាងរួមមានៈ
០១. ថ្នាំញៀនប្រភេទម៉ាទឹកកក ចំនួន០១កញ្ចប់ធំ
០២. ទូរសព្ទ័ ចំនួន០១គ្រឿង
០៣. ដែកកេស ចំនួន០៥
០៤.ដាវសាំម៉ូរ៉ៃ ចំនួន០១ដើម
០៥. កាំភ្លើងខ្លីឈើឆ្នៃ ១
០៦. រំសេវសំរាប់ឆ្នៃគ្រឿងផ្ទុះ ១ ថង់
០៧. សម្ភារៈប្រើប្រាស់ថ្នាំញៀនមួយចំនួន។

ជនសង្ស័យ ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី៕

(អត្ថបទៈ ម៉ាន់ ដាវីត)