កោះកុងៈ នៅវេលាម៉ោង ១៧ និង០០នាទី ថ្ងៃទី១១ ខែកុម្ភៈ ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកគិរីសាគរ បានធ្វើការឃាត់ខ្លួនជនសង្ស័យម្នាក់ ស្ថិតនៅចំណុចភូមិព្រែកស្មាច់ ឃុំកោះស្តេច ស្រុកគីរីសាគរ ខេត្តកោះកុង ជាប់ពាក់ព័ន្ធជាមួយករណីរំលោភសេពសន្ថវៈ។

នេះបើតាមការឱ្យដឹងពី មន្ត្រីកងរាជអាវុធហត្ថស្រុកគិរីសាគរ បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវបាន កម្លាំងកងរាជអាវុធហត្ថធ្វើការឃាត់ខ្លួននោះមានឈ្មោះ ម៉ម សុខទយ អាយុ២៣ឆ្នាំ រស់នៅភូមិរបស់ខ្ញុំ ឃុំតំបូកខ្ពស់ ស្រុកអង្គរជ័យ ខេត្តកំពត។

មន្ត្រីដដែល បានបន្ត ឱ្យដឹងទៀតថា មុនពេលកើតហេតុ ជនសង្ស័យបានបបួលជនរងគ្រោះអោយទៅកោសខ្យល់អោយខ្លួន នៅក្នុងវត្តចាស់(វត្តគីរីគង្គាចាស់) លុះពេលទៅដល់ក្នុងបន្ទប់ ក្នុងវត្ត ជនល្មើសក៏បានចាប់បង្ខំ និងវាយជនរងគ្រោះចំនួនបួនដៃ ហើយក៏បានធ្វើការចាប់រំលោភតែម្តង។ ក្រោយកើតហេតុ ជនរងគ្រោះបានទៅដាក់ពាក្យបណ្តឹងនៅមូលដ្ឋាន កងរាជអាវុធហត្ថស្រុកគិរីសាគរ ។

បន្ទាប់ពីទទួលបានពាក្យបណ្តឹង នៅវេលាម៉ោង ១៧ និង២០នាទី ថ្ងៃទី១២ ខែកុម្ភៈ ឆ្នាំ២០១៧ កម្លាំងកងរាជអាវុធហត្ថស្រុកគិរីសាគរ បានធ្វើការតាមដាន និងស្រាវជ្រាវ រហូតអាចឈានទៅដល់ការឃាត់ខ្លួនបានជនសង្ស័យខាងលើនេះដោយជោគជ័យ។

បច្ចុប្បន្នជនសង្ស័យ ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី។

(អត្ថបទៈ ម៉ាន់ ដាវីត)