តាកែវៈ ក្មេងទំនើងចំនួន៤២នាក់ ត្រូវបាន កម្លាំងមូលដ្ឋាន កងរាជអាវុធហត្ថស្រុកសំរោង បានធ្វើការឃាត់ខ្លួន នៅវេលាម៉ោង ១០ និង៥០នាទី ថ្ងៃទី១៥ ខែកុម្ភៈ ឆ្នាំ២០១៧ ស្ថិតនៅចំណុចភូមិស្លា ឃុំលំចង់ ស្រុកសំរោង ខេត្តតាកែវ តាមបណ្ដោយផ្លូវជាតិលេខ២ ខណៈពួកគេកំពុងធ្វើការវាយតប់គ្នានៅតាមដងផ្លូវ។
នេះបើតាមការឱ្យដឹងពី មន្ត្រីមូលដ្ឋាន កងរាជអាវុធហត្ថស្រុកសំរោង បានប្រាប់ភ្នាក់ងារ GRK News ឱ្យដឹងថា ក្មេងទំនើងទាំង៤២នាក់នេះ គឺជាសិស្សសាលាវិទ្យាល័យស្លាគូ នឹងសិស្សវិទ្យាល័យស្លារម្យ ហើយជំលោះនោះ បណ្តាមកពីការឌឺដងដាក់គ្នា ស្របពេលដែលក្រុមទាំង០២ មកមើលបាល់ទាត់ នៅវិទ្យាល័យអង្គប្រីយ។
ក្មេងទំនើងទាំង៤២នាក់នោះ ត្រូវបានមន្ត្រីជំនាញកងរាជអាវុធហត្ថ បានធ្វើការអប់រំ និងអោយអាណាព្យាបាល មកធ្វើកិច្ចសន្យា រួចអោយត្រលប់ទៅលំនៅដ្ឋានវិញ៕
(អត្ថបទៈ ម៉ាន់ ដាវីត)
