ស្វាយរៀង: នៅវេលាម៉ោង១៤ និង០០នាទីរសៀល ថ្ងែទី១៦ ខែកុម្ភ: ឆ្នាំ២០១៧ នៅបញ្ជាការដ្ឋាន កងរាជអាវុធហត្ថខេត្តស្វាយរៀង បានប្រារព្ធពិធី បើកវគ្គហ្វឹកហ្វឺនបំប៉នជំនាញកងរាជអាវុធហត្ថ វគ្គ១ ឆ្នាំ២០១៧ ក្រោមអធិបតីភាព ឯកឧត្តម ឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ កងរាជអាវុធហត្ថខេត្តស្វាយរៀង និងដោយមានការអញ្ជើញចូលរួមពីសំណាក់ លោកមេបញ្ជាការរង ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការរងមូលដ្ឋាន ក្រុង ស្រុក និងប្រធានស្នាក់ការសន្តិសុខ សរុបចំនួន ៥២នាក់ ។

លោកអនុសេនីយ៍ត្រី សោម ប៉េ តំណាងសិក្ខាកាម ក្នុងវគ្គសិក្សាបានឡើងអានសេចក្តីប្ដេជ្ញាចិត្ត ។

ជាចុងបញ្ចប់នៃកម្មវិធី ឯកឧត្តម ឧត្តមសេនីយ៍ត្រី នុត នន្ទ បានមានមតិផ្តាំផ្ញើ អោយសិក្ខាកាមទាំងអស់ ត្រូវយកចិត្តទុកដាក់ក្នុងការរៀនសូត្រ ថ្វីត្បិតតែពេលវេលាខ្លី តែដើម្បីជាចំណេះដឹងផ្ទាល់ខ្លួន និងត្រូវយកចំណេះដឹងរបស់ខ្លួនទៅបំពេញការងារអោយបានល្អប្រសើរ និងត្រឹមត្រូវ។

(អត្ថបទៈ ម៉ាន់ ដាវីត)