អហ.បន្ទាយមានជ័យ៖ គ្រឿងញៀន252គ្រាប់និងមនុស្សពីរនាក់ត្រូវបានកម្លាំងអាវុធក្រុងសិរីសោភ័ណ ដឹកនាំដោយលោក មេបញ្ជាការរង ស ប៊ុនសឿង ឃាត់និងដក់ហូតបានកាលពីយប់ម៉ោង11និង10នាទី ថ្ងៃ29 ខែកញ្ញា ឆ្នាំ 2015 លើពីរគោលដៅផ្សេងគ្នាក្នុងសង្កាត់កំពង់ស្វាយនិងសង្កាត់អូរអំបិលក្រុងសិរីសោភ័ណ។
លោកវរ:សេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យបានអោយដឹងថា៖តាបញ្ជារបស់លោក ឧត្តមសេនីយ៍ត្រី ឱ បូរិន្ទ មេបញ្ជាការអាវុធហត្តខេត្តក្នុងការដឹកនាំកម្លាំងបង្រ្កាប់មុខសញ្ញាចែកចាយគ្រឿងជាលទ្ធផលបានតាមចាប់ប្រផាប់

ប្រភីងពីកន្លែងមួយទៅកន្លែងមួយរហូតបានដំបូងជនសង្ស័យម្នាក់ឈ្មោះប៊ុន ស៊ីណាត ហៅ ញ៉ាញ់ភេទប្រុសអាយុ32ឆ្នាំមានទីលំនៅភូមិគោរដ្ឋានសង្កាត់អូរអំបិលធ្លាប់ជាប់គុកបីដង់មកហើយបានគ្រឿងញៀនមួយកញ្ចប់ចំនួន252គ្រាប់និងគ្រឿងញៀនប្រភេទទឹកកកមួយថង់ស្មើ1,51ក្រាមដែលជនសង្ស័យបានចោលក្បែខ្លួន។បន្ទាប់មកភ្លាមៗនោះដែរបានចាប់បានជនសង្ស័យម្នាក់ទៀតឈ្មោះ រិន តៃ ភេទប្រុស អាយុ 28ឆ្នាំរស់នៅភូមិអូរអំបិលដែលបានធ្វើសកម្មភាពចែកចាយគ្រឿងញៀនមួយថង់តូចពីរ៉ារថភ្លើងរហូតដល់ចំនុចផ្លូវសៀមរាប។
លោកបានបន្តទៀតថាក្រោយពីធ្វើការឃាត់ខ្លួនដែលរួមទាំងម៉ូតូមួយគ្រឿងផងយកមកសួរនាំនៅទីបញ្ជាការដោយជនសង្ស័យមិនឆ្លើយសារភាពយ៉ាងណាក៏ដោយគ្រាន់តែថាពួកគេជាអ្នកប្រើប្រាស់ មិនបានសារភាពថាគ្រឿងញៀនទាំងនោះជារបស់ខ្លួនយ៉ាងណាក៍ការិល័យជំនាញបានកសាងសំណុំរឿងបញ្ជូនទៅតុលាការនារសៀលថ្ងៃទី30 ខែកញ្ញា ឆ្នាំ2015៕