រតនគិរីៈ អនុវត្តតាមផែនការ លេខ ០១ ផ.ក ចុះថ្ងៃទី ១៣-ធ្នូ-២០១៦ របស់ រាជរដ្ឋាភិបាល ស្ដីពី យុទ្ធនាការប្រយុទ្ធប្រឆាំង គ្រឿងញៀនខុសច្បាប់លើកទី១ រយៈពេល៦ ខែ ( ចាប់ពីថ្ងៃទី ០១ ខែ មករា ដល់ថ្ងៃទី ៣០ ខែ មិថុនា ឆ្នាំ ២០១៧ ) និងយោងតាមអនុសាសន៏ដ៏ខ្ពង់ខ្ពស របស់ ឯកឧត្តម នាយឧត្តមសេនីយ៍ សៅ សុខា
អគ្គមេបញ្ជាការរង នៃកងយោធពលខេមភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស និងដោយមានការអនុញាត្ត ពី ឯកឧត្តម ឧត្តមសេនីយ៏ត្រី គឹម រស្មី មេបញ្ជាការ កងរាជអាវុធហត្ថខេត្តរតនគីរី នៅវេលាម៉ោង០៨ និង៣០នាទីព្រឹកថ្ងៃទី១៧ ខែកុម្ភៈ ឆ្នាំ២០១៧ លោក វរសេនីយ៍ទោ គិន វណ្ណា ប្រធានមន្ទីរយុត្តិធម៌ កងរាជអាវុធហត្ថខេត្តរតនគីរី និង លោក ជុំ ងិល អភិបាល នៃគណ:អភិបាល ស្រុក វើនសៃ បានចុះធ្វើយុទ្ធនាការ ផ្សព្វផ្សាយច្បាប់ ស្ដីពីការត្រួតពិនិត្យគ្រឿងញៀន និង ផលប៉ះពាល់នៃ ការប្រើប្រាស់គ្រឿងញៀន ជូនដល់ មន្រ្តី រាជការ លោកគ្រូ អ្នកគ្រូ មេឃុំ មេភូមិ ប្រជាពលរដ្ឋ និងសិស្សានុសិស្ស ស្ថិតនៅ សាលប្រជុំ សាលាស្រុកវើនសៃ ក្នុងភូមិ ហ្វាំង ឃុំ ប៉ុង ស្រុក វើនសៃ ខេត្តរតនគិរី សរុប ចំនួន ៣៤៥ នាក់ ក្នុងនោះ ស្រី១៧០នាក់។

លោក ជុំ ងិល អភិបាល នៃ គណ:អភិបាលស្រុក បានមានប្រសាសន៍ ផ្ដាំផ្ញើដល់សមាជិក សមាជិការ ក្នុងអង្គពិធី សូមបងប្អូន មន្រ្តីរាជការ ប្រជាពលរដ្ឋ សិស្សានុសិស្ស
ទាំងអស់ ត្រូវចូលរួម ទប់ស្កាត់ ផ្ដល់ព័ត៌មាន ដល់សមត្ថកិច្ច ចំពោះបទល្មើសគ្រឿងញៀន អោយបានសំរេចតាមផែនការរបស់ រាជរដ្ឋាភិបាល។

ក្នុងឱកាសនោះដែរ លោក វរសេនីយ៏ទោ គិន វណ្ណា បានផ្សព្វផ្សាយផែនការ ស្តីពី យុទ្ធនាការ ប្រយុទ្ធប្រឆាំងគ្រឿងញៀនខុសច្បាប់ លើកទី១ លេខ ០១ ផ ក ចុះថ្ងៃទី ១៣ ខែធ្នូ ឆ្នាំ២០១៦ របស់ រាជរដ្ឋាភិបាល មកផ្សព្វផ្សាយ ធ្វើបទបង្ហាញ ច្បាប់ស្ដីពីការត្រួតពិនិត្យគ្រឿងញៀន ដោយបានលើកយក មាត្រាមួយចំនួន ពាក់ពន្ធ័ និងការ ដាំដុះ ការជូញដូរ ការរក្សាទុក ការចែកចាយ និងការប្រើប្រាស់ដោយខុសច្បាប់នូវសារធាតុញៀន និងបានធ្វើការពន្យល់អំពីផលប៉ះពាល់ នៃការប្រើប្រាស់គ្រឿងញៀន ជូនដល់សមាជិកសមាជិការ ដែលបានចូលរួមផងដែរ ។

ចុងបញ្ចប់នែពិធីផ្សព្វផ្សាយនេះ លោក វរសេនីយ៏ទោ គិន វណ្ណា ក៏បានផ្តាំផ្ញើដល់ ប្អូនៗ ក្មួយៗ សិស្សានុសិស្ស ត្រូវជៀស អោយឆ្ងាយពីគ្រឿងញៀន និង ត្រូវនិយាយ
ថា ទេ ចំពោះគ្រឿងញៀន ។

(អត្ថបទៈ គិន វណ្ណា)