អហ.ខណ្ឌមានជ័យ៖ ឈានចូលថ្ងៃទី០១ ខែតុលា ឆ្នាំ២០១៥ វេលាម៉ោង០០និង៣០នាទី នៅចំណុចផ្លូវបេតុង ភូមិទ្រា សង្កាត់ស្ទឹងមានជ័យ ​សមត្ថកិច្ចជំនាញកងរាជ​អាវុធហត្ថបានធ្វើការឃាត់ខ្លួន​ជនសង្ស័យ៤​នាក់ ពាក់ព័ទ្ធនឹងការ​ប្រើប្រាស់គ្រឿងញៀន ។​
ជនសង្ស័យទាំង៤នាក់នោះមានឈ្មោះ ១.ឈ្មោះ ពៅ សារ៉េនភេទប្រុស អាយុ ២៥ឆ្នាំ មុខរបរបាញ់ថ្នាំមុស ស្នាក់នៅភូមិដំណាក់ធំ ក្រុម៩ សង្កាត់ស្ទឹងមានជ័យ រាជធានីភ្នំពេញ​។ ២.តាំង ឃុនលី ហៅអាខ្មៅតូច ភេទប្រុសអាយុ១៧ឆ្នាំ មុខរបរមិនពិតប្រាកដ ស្នាក់នៅភូមិត្រពាំងឈូក សង្កាត់ទឹកថ្លារ ខណ្ឌសែនសុខ។ ៣.ភួង លីពេជ្រ ភេទប្រុស អាយុ ១៨ឆ្នាំមុខរបរមិនពិតប្រាកដ ស្នាក់នៅសង្កាត់បឹងកក់1 ខណ្ឌទួលគោក។៤. ផាន់ សុភារ៉ា ភេទប្រុស អាយុ ១៨ឆ្នាំ មុខរបរមិនពិតប្រាកដ ស្នាក់នៅ ភូមិព្រែកតាគង់មួយ សង្កាត់ចក្រអង្រែលើ ខណ្ឌមានជ័យ។​

វត្ថុតាងដែល​សមត្ថកិច្ចជំនាញ​ចាប់ដកបានរួមមាន ម្សៅក្រាមពណ៍ស ២កញ្ចប់តូច ម៉ូតូ៣គ្រឿង ទីមួយម៉ាក ស៊ុយសូគីនិច ពណ៍ ខៀវលាយស ស្លាកលេខ PP ១CK:០៩២៥ ទីពីរ ម៉ាក គុប ពណ័ទឹកសមុទ្រស្លាកលេខ កំពុងស្ពឺ ១D :៤៨៦៨ ទីបី ម៉ាកធូដេយ ពណ៍ក្រហម គ្មានស្លាកលេខ និង ទូរស័ព្វដៃរ ២ គ្រឿង ។​
ដោយឡែកជនសង្ស័យ និងវត្ថុតាងត្រូវបានបញ្ចូនទៅកាន់ការិយាល័យគ្រឿងញៀនកងរាជ​អាវុធហត្ថភ្នំពេញ ដើម្បីចាត់ការបន្ត៕