ក្រចេះៈ នៅវេលាម៉ោង០៧ និង០០នាទីព្រឹក ថ្ងៃទី២០ ខែកុម្ភះ ឆ្នាំ២០១៧ មន្ត្រីកងរាជអាវុធហត្ថខេត្តក្រចេះ ដឹនាំដោយ លោកវរសេនីយ៍ឯក ឯម សុវណ្ណា មេបញ្ជាការរង កងរាជអាវុធហត្ថខេត្តក្រចេះ ទទួលការងារយុត្តិធម៌ បានចុះធ្វើយុទ្ធនាការ ផ្សព្វផ្សាយអំពីផលប៉ះពាល់គ្រោះថ្នាក់ នៃគ្រឿងញៀន ដល់សិស្សវិទ្យាល័យ ព្រះមហាក្សត្រិយានីកុសុមះ ស្ថិតនៅភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ។

ពិធីនេះមានការចូលរួមពីសំណាក់ លោកគ្រូ អ្នកគ្រូ និងសិស្សានុសិស្ស សរុបចំនួន១៣៤៩នាក់ ក្នុងនោះមានស្រីចំនួន ៧៤៨នាក់។

ក្នុងពិធីនេះផងដែរ មន្ត្រីកងរាជអាវុធហត្ថខេត្តក្រចេះ ក៏បានចែកនូវខិតប័ណ្ណអប់រំស្តីពីគ្រោះថ្នាក់នៃគ្រឿងញៀន និងបានចូលរួមចែកមួកសុវត្ថិភាពជូនដល់សិស្សានុសិស្ស ថ្នាក់១០ ដល់ថ្នាក់ទី១២ ដែលទទួលបានចំណាត់ថ្នាក់ ចាប់ពីលេខ១ ដល់៣ ចំនួន៦៣នាក់ផងដែរ។

(អត្ថបទ ម៉ាន់ ដាវីត)