ក្រចេះៈ នៅវេលាម៉ោង០៧ និង៣០នាទីព្រឹក ថ្ងៃទី២១ ខែកុម្ភះ ឆ្នាំ២០១៧ មន្ត្រីកងរាជអាវុធហត្ថខេត្តក្រចេះ ដឹកនាំដោយ លោកវរសេនីយ៍ទោ ឡុង យឹង ប្រធាន មន្ទីរយុត្តិធម៌ កងរាជអាវុធហត្ថខេត្តក្រចេះ សហការជាមួយ លោកវរសេនីយ៍ត្រី ប្រាក់ វិចិត្រ មេបញ្ជាការ មូលដ្ឋានកងរាជអាវុធហត្ថស្រុកឆ្លូង បានធ្វើយុទ្ធនាការ ចុះអប់រំផ្សព្វផ្សាយស្តីពីផលប៉ះពាល់ គ្រោះថ្នាក់ និងច្បាប់ស្តីពីគ្រឿងញៀន នៅវិទ្យាល័យសិលាវេទី គាត ឈន់ ស្ថិតនៅភូមិ ហាន់ជ័យ១ ឃុំហានជ័យ ស្រុកឆ្លូង ខេត្តក្រចេះ។

ក្នុងពិធីផ្សព្វផ្សាយនោះដែរ ក៏មានការអញ្ជើញចូលរួមពីសំណាក់ លោកគ្រូ អ្នកគ្រូ ចំនួន២០នាក់ ក្នុងនោះមានស្រីចំនួន០៦នាក់ និងសិស្សានុសិស្សសរុបចំនួន៦៥៦នាក់ ក្នុងនោះមានស្រីចំនួន ៣១៦នាក់។

(អត្ថបទៈ ម៉ាន់ ដាវីត)