អហ.កំពង់ធំ៖ កាលពីវេលាម៉ោង១២ថ្ងៃត្រង់ ថ្ងៃទី៣០ ខែកញ្ញា ឆ្នាំ២០១៥ កម្លាំងស្នាក់ការ៦០១ បានធ្វើការបង្ក្រាបរថយន្តដឹកឈើគ្រញូង នៅ ចំណុចភូមិជ័យជន្នះ ឃុំកោះសន្ទុក ។
ក្នុងដំណើរប្រតិបត្តិនេះកម្លាំងស្នាក់ការខាងលើបានប្រើប្រាស់កម្លាំង០៦នាក់ រថយន្ត០១គ្រឿង ម៉ូតូ០២គ្រឿង ដោយស្ទាក់ចាប់បានរថយន្តដឹកឈើគ្រញូង ម៉ាកសារ៉ិច០១គ្រឿង និងឃាត់មនុស្ស០៣នាក់ ។
ជនសង្ស័យដែលសមត្ថកិច្ចជំនាញធ្វើការឃាត់ខ្លួនបាន ទី១ ឈ្មោះ លី វុទ្ធី អាយុ២៩ឆ្នាំជាអ្នកបើកបរ ទី២ឈ្មោះ គ្រី វណ្ណី អាយុ៥២ឆ្នាំ និងទី៣ឈ្មោះ សេង ធីម អាយុ៣៨ឆ្នាំ និងដកបានវត្ថុតាងឈើគ្រញូង២ដុំស្មើ០,១៧៦ម៉ែត្រគូប ។
ឈើដែលចាប់បានត្រូវបានកម្លាំងសមត្ថកិច្ចប្រគល់ឲ្យរដ្ឋបាលព្រៃឈើ ផ្នែកកំពង់ថ្ម ហើយជនសង្ស័យទាំង៣ កំពុងកសាងសំណុំរឿងបញ្ចូនបន្តទៅកាន់តុលាការ៕
