បន្ទាយមានជ័យៈ កម្លាំងមូលដ្ឋាន កងរាជអាវុធហត្ថក្រុងប៉ោយប៉ែត បានធ្វើការឃាត់ខ្លួន ជនសង្ស័យចំនួន០៣នាក់ នៅវេលាម៉ោង០១ និង០០នាទីរំលងអធ្រាត្រ ថ្ងៃទី២២ ខែកុម្ភៈ ឆ្នាំ២០១៧ ស្ថិតនៅចំណុចផ្លូវដើមពុទ្ទ្រា ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សង្ស័យមានជាប់ពាក់ព័ន្ធជាមួយសារធាតុញៀន។

នេះបើតាមការឱ្យដឹងពី មន្ត្រីកងរាជអាវុធហត្ថក្រុងប៉ោយប៉ែត បានថ្លែងប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
១. គង់ វិសាល ភេទប្រុស អាយុ២០ឆ្នាំ
២. ចន កៅលី ភេទប្រុស អាយុ២២ឆ្នាំ
៣. ស៊ុន សាម៉ៃ ភេទប្រុស អាយុ២០ឆ្នាំ អ្នកទាំង០៣ រស់នៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

មន្ត្រីដដែលបានបន្តឱ្យដឹងទៀតថា នៅមុនពេលកើតហេតុ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានចេញបេសកកម្មធ្វើការល្បាត ការពារសុវត្ថិភាពជូនបងបង្អូនជាច្រើគោលដៅ លុះដល់ចំណុចកើតហេតុខាងលើ ក៏ស្រាប់តែប្រទះឃើញជនសង្ស័យទាំងនោះកំពុងសេពគ្រឿងញៀន ភ្លាមៗនោះ កម្លាំងកងរាជអាវុធហត្ថ ក៏បានធ្វើការឃាត់ខ្លួន និងបានធ្វើការចាប់យកវត្ថុតាងមួយចំនួន ពីជនសង្ស័យរួមមាន ទូរស័ព្ទដៃចំនួន០១គ្រឿង, ប្រាក់ខ្មែរចំនួន ២១.៥០០រៀល, នាឡិកាដៃចំនួន០២គ្រឿង, ប្រាក់ថៃចំនួន ៨៣៥បាត និងសម្ភារ:សំរាប់ប្រើប្រាស់គ្រឿងញៀនមួយចំនួន។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។

(អត្ថបទៈ ម៉ាន់ ដាវីត)