ប៉ៃលិនៈ នៅវេលាម៉ោង១៥ និង០០នាទីរសៀល ថ្ងៃទី២៤ ខែកុម្ភៈ ឆ្នាំ២០១៧ នៅបញ្ជាការដ្ឋាន កងរាជអាវុធហត្ថខេត្តប៉ៃលិន បានប្រារព្ធពិធីបិទវគ្គហ្វឺកហ្វឺនបំប៉នជំនាញ កងរាជអាវុធហត្ថ ប្រចាំឆមាសទី១ ឆ្នាំ២០១៧ ក្រោមអធិបតីភាព ឯកឧត្តម ឧត្តមសេនីយ៍ត្រី វ៉ាន់ ណាឡុង មេបញ្ជាការ កងរាជអាវុធហត្ថខេត្តប៉ៃលិន
និងដោយមានការចូលរួមពីសំណាក់ លោកមេបញ្ជាការរង នាយរងសេនាធិការដ្ឋាន នាយ នាយរងការិយាល័យ ប្រធាន អនុប្រធានមន្ទីរ មេបញ្ជាការ មេបញ្ជាការរងក្រុង ស្រុក ស្នាក់ការសន្តិសុខ មេបញ្ជាការ មេបញ្ជាការរង កងអនុសេនាធំចល័ត នាយ នាយរងអាវុធហត្ថដែលមានការពាក់ព័ន្ធជាច្រើនរូបផងដែរ។

ក្នុងឱកាសនោះ ឧត្តមសេនីយ៍ត្រី វ៉ាន់ ណាឡុង ក៏បានពាំនាំយកប្រសាសផ្តាំផ្ញើសួរសុខទុក្ខ របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស ដល់នាយ នាយរងកងរាជអាវុធហត្ថខេត្តទាំងអស់ និងបានផ្តល់មតិណែនាំ ក្រោយពីបញ្ចប់វគ្គហ្វឹកហ្វឺន សូមអោយនាយ នាយរង ត្រូវយកចិត្តទុកដាក់អនុវត្ត តួនាទី ភារកិច្ច អោយបានល្អ និងអោយចំទិសដៅ និងបទបញ្ជាទាំងឡាយណារបស់ថ្នាក់ដឹកនាំ ទៅតាមឋានានុក្រម។

(អត្ថបទៈ ម៉ាន់ ដាវីត)