ក្រចេះៈ នៅវេលាម៉ោង១៦ និង០០នាទីល្ងាច ថ្ងៃទី២៨ ខែកុម្ភៈ ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកចិត្របុរី សហការជាមួយ កម្លាំងរដ្ឋបាលជលផល បានធ្វើការ ឃាត់ខ្លួនបុរសម្នាក់ នៅចំណុច ក្នុងតំបន់អភិរក្សសត្វផ្សោតកាំពី ស្ថិតនៅចំណុចអន្ទង់វៀន ក្នុងភូមិក្បាលជួរ ឃុំសំបុក ស្រុកចិត្របុរី ខេត្តក្រចេះ ជាប់ពាក់ព័ន្ធជាមួយបទល្មើសនេសាទ (ឆក់ត្រី)។

នេះបើតាមការឳ្យដឹងពីមន្ត្រីកងរាជអាវុធហត្ថស្រុកចិត្របុរី បានឳ្យដឹងថា បុរស ដែលត្រូវបានកម្លាំងកងរាជអាវុធហត្ថធ្វើការឃាត់ខ្លួននោះមានឈ្មោះ សូ ណាឡាយ ភេទ ប្រុស អាយុ២៧ឆ្នាំ ជនជាតិខ្មែរ រស់នៅភូមិក្បាលជួរ ឃុំសំបុក ស្រុកចិត្របុរី ខេត្តក្រចេះ។

ក្នុងការឃាត់ខ្លួនបុរសខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យក វត្ថុតាងមួយចំនួនរួមមានៈ
១. ទូកម៉ាសុីន ចំនួន០១គ្រឿង
២. អាំងវែកទ័រឆក់ត្រី ចំនួន០១គ្រឿង
៣. អាគុយ ៧០អំពែរ ចំនួន០២គ្រឿង
៤. កន្ត្រងដង ចំនួន០២ និង ត្រី ចំនួន០១គីឡូក្រាម។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី។