កោះកុងៈ នៅវេលាម៉ោង២២ និង៣០នាទីយប់ ថ្ងៃទី០៣ ខែមីនា ឆ្នាំ២០១៧ កម្លាំងកងរាជអាវុធហត្ថខេត្តកោះកុង និងដោយមានការសម្របសម្រួលពីព្រះរាជអាជ្ញាអមសាលាដំបូងខេត្តកោះកុង បានធ្វើការឃាត់ខ្លួន ជនសង្ស័យចំនួន០៤នាក់ ស្ថិតនៅចំណុចភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង មានជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

នេះបើតាមការឱ្យដឹងពី មន្ត្រីកងរាជអាវុធហត្ថខេត្តកោះកុង បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
១. ហៀក អៀ ភេទស្រី អាយុ៥៣ ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង
២. លុន ដាលីន ភេទស្រី អាយុ៣៥ឆ្នាំ ជនជាតិខ្មែរ មានទីលំនៅសព្វថ្ងៃស្នាក់នៅបន្ទប់ជួលផ្ទះសំណាក់ យីហោឋានសួគ៌ នៅភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង
៣. ស៊ឹម វី ភេទស្រី អាយុ២៦ ឆ្នាំ ជនជាតិខ្មែរ មានទីលំនៅសព្វថ្ងៃស្នាក់នៅបន្ទប់ជួលផ្ទះសំណាក់ យីហោឋានសួគ៌ នៅភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង
៤. ជា ស្វិត ភេទប្រុស អាយុ២៣ឆ្នាំ ជនជាតិខ្មែរ មានទីលំនៅភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

មន្ត្រីដដែល បានបញ្ជាក់ឱ្យដឹងទៀតថា ក្នុងការឃាត់ខ្លួនជនសង្ស័យ ខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួន ពីជនសង្ស័យរួមមានៈ
១. ថ្នាំញៀនប្រភេទយ៉ាម៉ាគ្រាប់ ចំនួន១៥គ្រាប់ ដែលមានទម្ងន់ ៣.១៦ក្រាម
២. កាបូបស្ពាយ ចំនួន០១
៣. ទូរស័ព្ទដៃ ចំនួន០១ គ្រឿង
៤. ម៉ូតូ ចំនួន ០១ គ្រឿង
៥. ប្រាក់រៀលចំនួន ១៤៤៥០០០ រៀល
៦. ប្រាក់បាតចំនួន ១៥៦២០បាត
៧. ប្រាក់ដុល្លារចំនួន ១៦៨ ដុល្លារ
៨. កងដៃពណ៌ទង់ដែងចំនួន ១៨ កង និងខ្សែកពណ៌ទង់ដែង ចំនួន០១ ខ្សែ ។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។

(អត្ថបទៈ ម៉ាន់ ដាវីត)