ពោធិ៍សាត់ៈ នៅវេលាម៉ោង០៨ និង០០នាទីព្រឹក ថ្ងៃទី១១ ខែមិនា ឆ្នាំ២០១៧ កម្លាំងកងរាជអាវុធហត្ថខេត្តពោធិ៍សាត់ សហការជាមួយ កម្លាំងមូលដ្ឋាន កងរាជអាវុធហត្ថស្រុកវាលវែង និងកម្លាំងបរិស្ថានដែនជម្រកសត្វព្រៃភ្នំសំកុស បានធ្វើការឃាត់រថយន្តស្ទួច ចំនួន០១គ្រឿង ម៉ាក់ canterពណ៌សទ្រុងទឹកប៊ិច ស្ថិតនៅចំណុចភូមិប្រម៉ោយ ឃុំប្រម៉ោយ ស្រុកវាលវែង ខេត្តពោធិ៍សាត់ មានជាប់ពាក់ព័ន្ធក្នុងករណីប្រមូល និងដឹកជញ្ជូនផលអនុផលព្រៃឈេី ដែលប្រព្រឹត្តកាលពីថ្ងៃទី០៩ ខែមិនា ឆ្នាំ២០១៧ កន្លងទៅ។

នេះបើតាមការឳ្យដឹងពីមន្ត្រីកងរាជអាវុធហត្ថខេត្តពោធិ៍សាត់ បានឳ្យដឹងថា ក្នុងប្រតិបត្តិការបង្ក្រាបបទល្មើស ខាងលើនេះផងដែរ កម្លាំងកងរាជអាវុធហត្ថ ក៏បានធ្វើការឃាត់ខ្លួនបានជនសង្ស័យម្នាក់ជាអ្នកបើកបរមានឈ្មោះ សៀ សីហា ភេទ ប្រុស អាយុ ២៥ ឆ្នាំ ជនជាតិ ខ្មែរ រស់នៅភូមិតាំងត្រពាំង ឃុំល្វា ស្រុកព្រៃឈរ ខេត្ត កំពុងចាម ។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីប្រគល់ជូនមន្ត្រីជំនាញ ចាត់ការបន្តតាមនិតិវិធី។

(អត្ថបទ ម៉ាន់ ដាវីត)