អហ.កំពង់ស្ពឺ៖ នៅចំណុច ក្រុមហ៊ុនថ្ម H.T.T.Kស្ថិតនៅភូមិព្រៃវៀវ ឃុំធម្មតាអ ស្រុកសំរោងទង ខេត្តកំពង់ស្ពឺ កាលពីវេលាម៉ោង២២និង៣០នាទី ថ្ងៃទី០៥ ខែតុលា ឆ្នាំ២០១៥ មានករណីលួចប្រេងម៉ាស៊ូតមួយ ត្រូវបានកម្លាំងជំនាញកងរាជអាវុធហត្ថបង្ក្រាបបាន ។
ជនសង្ស័យដែលលួចប្រេងម៉ាស៊ូតក្នុងតំបន់កើតហេតុខាងលើមានគ្នា០២នាក់ ក្នុងនោះមានឈ្មោះ ម៉ាក សូណា ភេទប្រុស អាយុ ២៤ឆ្នាំ មុខរបរធ្វើការរោងចក្រ និង ភឿង ពន្លឺ ភេទប្រុសអាយុ ១៨ឆ្នាំ មុខរបរ សិស្សសាលា អ្នកទាំងពីរអ្នកនេះរស់នៅក្នុងតំបន់កើតហេតុតែ
ម្តង ។
នៅពេលដែលជនសង្ស័យទាំងពីរនេះធ្វើសកម្មភាពលួច ត្រូវបានកម្លាំងសមត្ថកិច្ចជំនាញខេត្ត ធ្វើការឃាត់ខ្លួននៅកន្លែងកើតហេតុ ដោយចាប់ដកវត្ថុតាងរួមមាន ម៉ូតូស្កុបពីពណ៌ផ្កាឈូក ស្លាកលេខកំពង់ស្ពឺ ១G.3095 ទូរស័ព្ទចុចពិសចំនួន០២គ្រឿង ប៊ីដុងសាំង០២ ស្មើ៦០លីត្រ ។
ក្រោយធ្វើការឃាត់ខ្លួនជនសង្ស័យទាំងពីរ ត្រូវបានបញ្ចូនមកកាន់ទីបញ្ជាការ កងរាជអាវុធហត្ថខេត្ត កំពង់ស្ពឺ ដើម្បីចាត់ការបន្តទៅតាមនិតិវិធី៕
