អហ​.តាកែវ៖ ការិយាល័យស្រាវជ្រាវបទល្មើសព្រហ្មទណ្ឌ​ខេត្តតាកែវ​កាលពីវេម៉ោង១៨និង​២០នាទី ថ្ងៃទី០៥ ខែតុលា ឆ្នាំ២០១៥ បានឃាត់ខ្លួនជនសង្ស័យចំនួន​០២នាក់ ពីបទ​លួចមាន់ជល​ចេញពីកសិដ្ឋាន​សូម៉ា ។​
បើតាមប្រភពព័ត៌មានរាយការណ៍ចេញពី​កងរាជ​អាវុធហត្ថខេត្តតាកែវ បានឲ្យដឹងថា​៖ កម្លាំងសមត្ថកិច្ចបានឃាត់ខ្លួនជនសង្ស័យ០២នាក់ ដោយមាន ឈ្មោះ ប្រាក់​សំរិទ្ធិ​ ភេទ​ ប្រុស​អាយុ48ឆ្នាំ មុខរបរ សន្តិសុខការពារចំការ និង ឈ្មោះ ឡេង ភក្ដី ភេទ ប្រុស អាយុ20ឆ្នាំ មុខរបរ ថែគោ ដោយអ្នក​ទាំងពីរ​មានទីលំនៅភូមិទន្លេបាទី ឃុំគ្រាំងធ្នង់ ស្រុកបាទី ខេត្តតាកែវ ។​
ប្រភពខាងលើបានបន្តថា ជនទាំងពីរនេះត្រូវបានឃាត់ខ្លួនទាក់ទងនឹងករណី​លួចមាន់ជល់នៅក្នុងកសិដ្ឋាន សូម៉ា ស្ថិតនៅភូមិខ្នា ឃុំគ្រាំងធ្នង់ ស្រុកបាទី ខេត្តតាកែវ។
ក្រោយទទួលបានពាក្យបណ្តឹងពីម្ចាស់កសិដ្ឋានខាងលើ កម្លាំងជំនាញបានធ្វើការ​ឃាត់ខ្លួនជនសង្ស័យទាំងពីរនេះ កសាងសំណុំរឿង​ចាត់ការបន្តទៅតាមនិតិវិធី ៕​