ឧត្តរមានជ័យៈ នៅវេលាម៉ោង២១ និង៣០នាទី ថ្ងៃទី១៦ ខែមីនា ឆ្នាំ២០១៧ កម្លាំងកងរាជអាវុធហត្ថក្រុងសំរោង បានធ្វើការឃាត់ខ្លួនជនសង្ស័យចំនួន០៣នាក់ ស្ថិតនៅចំណុចភូមិអភិវឌ្ឍន៍ សង្កាត់អូរស្មាច់ ក្រុងសំរោង ខេត្តឧត្តរមានជ័យ មានជាប់ពាក់ព័ន្ធជាមួយករណីរក្សាទុក និងជួញដូរនូវសារធាតុញៀន។

នេះបើតាមការឱ្យដឹងពី មន្ត្រីកងរាជអាវុធហត្ថក្រុងសំរោង បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
១.ហម មាស ប្រុស អាយុ១៥ឆ្នាំ
២.រឿង រ៉ាន់ ប្រុស អាយុ១៩ឆ្នាំ
៣.អឿន សុភ័ក្រ្ត ប្រុស អាយុ២០ឆ្នាំ។ អ្នកទាំង៣ មុខរបរ មិនពិតប្រាកដ រស់នៅភូមិសង្កាត់កើតហេតុខាងលេី ។

មន្ត្រីដដែល បានបញ្ជាក់ឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួនពីជនសង្ស័យរួមមានៈ
១.ថ្នាំញៀនប្រភេទយ៉ាម៉ាចំនួន០៨ក្រាប់
២.ទូរស័ព្ឌដៃចំនួន០២គ្រឿង
៣.ការបូបចំនួន០១។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។