បន្ទាយមានជ័យៈ ជនសង្ស័យចំនួន០៣នាក់ ត្រូវបាន កម្លាំងមូលដ្ឋាន កងរាជអាវុធហត្ថក្រុងប៉ោយប៉ែត បានធ្វើការឃាត់ខ្លួន មានជាប់ពាក់ព័ន្ធជាមួយករណីហិង្សាដោយចេតនា។

នេះបើតាមការឱ្យដឹងពី មន្ត្រីកងរាជអាវុធហត្ថក្រុុងប៉ោយប៉ែត បានឱ្យដឹងថា ក្នុងការឃាត់ខ្លួនជនសង្ស័យខាងលើនេះ គឺធ្វើឡើងនៅវេលាម៉ោង១១ និង០០នាទី ថ្ងៃទី១៨ ខែមីនា ឆ្នាំ២០១៧ ស្ថិតនៅចំណុចរស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

មន្ត្រីដដែល បានបន្តឱ្យដឹងទៀតថា ជនសង្ស័យដែលត្រូវបានកម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
១. អ៊ុង ម៉ាប់ ភេទប្រុស អាយុ៤៩ឆ្នាំ
២. អ៊ុុង សុខណា ភេទប្រុស អាយុ១៧ឆ្នាំ
៣. អ៊ុង សុខឃី ភេទប្រុស អាយុ២៦ឆ្នាំ។
អ្នកទាំងបី រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

មន្ត្រីដដែល បានបញ្ជាក់ឱ្យដឹងទៀតថា នៅមុនពេលកើតហេតុជនសង្ស័យខាងលើនេះ បានមានទំនាស់ពាក្យសំដីជាមួយជនរងគ្រោះ និងបានយកកាំបិតខ្វែវ កាប់ទៅលើជនរងគ្រោះ ចំនួន០៣នាក់ រួមមានឈ្មោះៈ
១. កៅ សេងអាន ភេទប្រុស អាយុ៣៦ឆ្នាំ
២. នួន នីគីដា ភេទប្រុស អាយុ៣៨ឆ្នាំ
៣. អុិន ដារ៉ាវុធ ភេទប្រុស អាយុ៣៨ឆ្នាំ។
អ្នកទាំងបីរស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

ជនសង្ស័យ ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។

(អត្ថបទ ម៉ាន់ ដាវីត)