បាត់ដំបងៈ សេចក្តីរាយការណ៍ពីប្រជាពលរដ្ឋ បានឱ្យដឹងថា នៅវេលាម៉ោង០៧ និង១៥នាទីព្រឹក ថ្ងៃទី២១ ខែមីនា ឆ្នាំ២០១៧ នេះ មានការប្រទះឃើញគ្រាប់បែកចំនួន០២គ្រាប់ ស្ថិតក្នុងចំការ ក្នុងភូមិកោកត្រប់ ឃុំតាមឺុន ស្រុកថ្មគោល ខេត្តបាត់ដំបង។នេះបើតាមសំដី មន្ត្រីមូលដ្ឋាន កងរាជអាវុធហត្ថស្រុកថ្មគោល បានឱ្យដឹងថា គ្រាប់ទាំងអស់នោះ ត្រូវបានប្រទះឃើញដោយឈ្មោះ តេង ប៉ុន ភេទប្រុស ឣាយុ៣៥ឆ្នាំ មុខរបធ្វើចំការ រស់នៅភូមិកោកត្រប់ ឃុំតាមឺុន ស្រុកថ្មគោល ខេត្តបាត់ដំបង បានប្រទះឃើញខនៈខ្លួន កំពុងកាប់ដីដាំដំណាំនៅចំការរបស់ខ្លួន នៅទីតាំងខាងលើ។

បច្ចុប្បន្នគ្រាប់ទាំងនោះត្រូវបានមន្ត្រីមូលដ្ឋានកងរាជអាវុធហត្ថស្រុកថ្មគោល ប្រគល់ជូន អង្គភាពស៊ីម៉ាក់។

(អត្ថបទ ម៉ាន់ ដាវីត)