កំពង់ស្ពឺ: នៅវេលាម៉ោង០៨ និង៣០នាទីព្រឹក ថ្ងែទី២៦ ខែមីនា ឆ្នាំ២០១៧ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ
បានបើកកិច្ចប្រជុំរៀបចំផែនការ ការពារសុវត្ថិភាព សន្តិសុខ និងសណ្ដាប់ធ្នាប់ ជូនគណៈប្រតិភូជាន់ខ្ពស់ របស់រាជរដ្ឋាភិបាល ដែលនឹងអញ្ជើញមកទស្សនកិច្ចនៅខេត្តកំពង់ស្ពឺ ក្រោមអធិបតីភាព លោកវរសេនីយ៍ឯក ចាន់ ដា មេបញ្ជាការរង និងជា នាយសេនាធិការ កងរាជអាវុធហត្ថខេត្តកំពង់ស្ពឺ និងដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ នាយ នាយរងការិយាល័យ ប្រធានមន្ទីរ អនុប្រធានមន្ទីរ មេបញ្ជាការមូលដ្ឋាន ក្រុង ស្រុក និងប្រធានស្នាក់ការសន្តិសុខ និងនាយអាវុធហត្ថដែលមានការពាក់ព័ន្ធជាច្រើនរូបផងដែរ។
(អត្ថបទៈ ម៉ាន់ ដាវីត)
