អហ.កំពត៖ នៅចំណុចភូមិសត្វពង ឃុំសត្វពង ស្រុកឈូក ខេត្តកំពត កាលពីវេលាម៉ោង១៥និង៣០នាទី ថ្ងៃទី១៣ ខែតុលា ឆ្នាំ២០១៥ កម្លាំងមន្ទីរយុត្តិធម៌ខេត្តកំពតបានចុះបង្ក្រាបករណីជួញដូរ និងប្រើប្រាស់គ្រឿងញៀនខុសច្បាប់ ដោយឃាត់ខ្លួនមនុស្សបាន០២នាក់។
ជនសង្ស័យដែលប្រើប្រាស់គ្រឿងញៀន និងជួញដូរនេះ ទី១មានឈ្មោះ ម៉ន សុស ភេទប្រុស អាយុ២២ឆ្នាំ មានទីលំនៅនៅភូមិត្រពាំងវែង ឃុំត្រពាំងរាំង ស្រុកជុំគិរី ខេត្តកំពត មុខរបរមិនពិតប្រាកដ ។
ជនសង្ស័យទី២ ឈ្មោះសឹង គឹមសែន ភេទប្រុសអាយុ២៥ឆ្នាំ មានទីលំនៅភូមិ ល្អាង ឃុំល្អាង ស្រុកដងទង់ ខេត្តកំពត មុខរបរអ្នកបើកបររថយន្ត។
បើតាមប្រភពព័ត៌មានពីមន្ទីរយុត្តិធម៌ខាងលើបានបញ្ជាក់ថា ក្នុងការចុះបង្ក្រាបនេះ សមត្ថកិច្ចជំនាញបានចាប់ដកវត្ថុតាង ថ្នាំញៀនប្រភេទម៉ាទឹកកកចំនួន ០៣កញ្ចប់ធំ និង ១៩កញ្ចប់តូច ឧបករណ៍ជក់ថ្នាំញៀនចំនួន០១សម្រាប់ កុំព្យូទ័រចំនួន០១គ្រឿង រថយន្តកាម៉ារីពណ៌ស្លែ ពាក់ស្លាកលេខភ្នំពេញ 2D-3413 ចំនួន០១ ម៉ូតូឃ្លីក ពណ៌សលាយស្លាទុំ គ្មានស្លាកលេខ ចំនួន០១គ្រឿង និង ទូរស័ព្ទណូគាអិនចុចពិល ចំនួន០១គ្រឿង ។
បច្ចុប្បន្នជនសង្ស័យទាំងពីរនាក់ខាងលើ ត្រូវបានមន្ទីរយុត្តិធម៌ខេត្តកំពតកសាងសំណុំរឿង បញ្ចូនទៅកាន់សាលាដំបូងខេត្ត ដើម្បីកសាងសំណុំរឿងចាត់ការទៅតាមផ្លូវច្បាប់ ៕
សមត្ថកិច្ចជំនាញខេត្តកំពតឃាត់ខ្លួនមនុស្ស០២នាក់ពាក់ព័ន្ធនឹងថ្នាំញៀន
You Might Also Like
អាវុធហត្ថខេត្តព្រះសីហនុ បញ្ជូនជនសង្ស័យ ៧នាក់ទៅអយ្យការអមសាលាដំបូងខេត្ត
ឃាត់ខ្លួនជនសង្ស័យម្នាក់ ជាប់ពាក់ព័ន្ធជាមួយសារធាតុញៀន
កម្លាំងមូលដ្ឋាន កងរាជអាវុធហត្ថស្រុកឱរ៉ាល់ សហការឃាត់ត្រាក់ទ័រឈូកឆាយដីព្រៃរបស់រដ្ឋ!
កម្លាំងអាវុធហត្ថខេត្តបន្ទាយមានជ័យ ឃាត់ខ្លួនជនសង្ស័យ ០២នាក់ ពាក់ព័ន្ធករណីគ្រឿងញៀន
អាវុធហត្ថខេត្តកំពង់ចាម បង្ក្រាបករណីគ្រឿងញៀន ដោយឃាត់ខ្លួនជនសង្ស័យ ចំនួន ១៣នាក់
