អហ.ខណ្ឌចំការមន៖ នៅចំណុចផ្លូវសីហនុ កែង២២ សង្កាត់ទន្លេបាសាក់ ខណ្ឌចំកាមន នៅវេលាម៉ោង២១និង០០នាទី ថ្ងៃទី១៤ ខែតុលា ឆ្នាំ២០១៥ កម្លាំងកងរាជអាវុធហត្ថខណ្ឌបានឃាត់ខ្លួនជនសង្ស័យម្នាក់ដែលបានធ្វើសកម្មភាពឆក់ទូរសព្ទ័ជនបរទេសតែមិនបានសម្រេច ។
ជនសង្ស័យបានធ្វើសកម្មភាពឆក់ទូរស័ព្ទពីជនរងគ្រោះឈ្មោះ Bog Dak Gulka ភេទប្រុស ជាអ្នកទេសចរណ៍ជនជាតិអ៊ុយក្រែន ស្នាក់នៅផ្ទះជួលម្តុំបឹងឈូក សង្កាត់ទឹកថ្លា ខណ្ឌសែនសុខ ។
ជនសង្ស័យដែលសមត្ថកិច្ចជំនាញធ្វើការឃាត់ខ្លួនបានមានឈ្មោះ ផល ផានិត អាយុ២៥ឆ្នាំ ជាបុគ្គលិកក្រុមហ៊ុន ស្នាក់នៅឃុំព្រៃលាស់ ស្រុកពញាឮ ខេត្តកណ្តាល ។
មុនពេលកើតហេតុជនរងគ្រោះបានដើរចុចទូរស័ព្ទចេញពីភោជនីយដ្ឋានងន ក៏ជនសង្ស័យជិះម៉ូតូមកក្បែររួចធ្វើសកម្មភាពឆក់ទូរស័ព្ទតែម្តង ។ បន្ទាប់ពីឆក់ ក៏ត្រូវកម្លាំងកងរាជអាវុធហត្ថដែលនៅក្បែរនោះ ដេញតាម និងឃាត់ខ្លួនតែម្តង ។
វត្ថុតាងដែលសមត្ថកិច្ចជំនាញចាប់ដកបានមាន ម៉ូតូម៉ាកហុងដា C125 មួយគ្រឿង ពណ៌ខ្មៅ ស៊េរី២០១៥ ស្លាកលេខ 1CZ-4189 និងទូរស័ព្ទ ជនរងគ្រោះ០១គ្រឿងជារបស់ជនរងគ្រោះ ។
បច្ចុប្បន្នទូរស័ព្ទដែលសមត្ថកិច្ចចាប់ដកបាន ត្រូវបានប្រគល់ឲ្យជនរងគ្រោះវិញ ហើយជនសង្ស័យត្រូវបានកសាងសំណុំរឿងចាត់ការបន្តទៅតាមផ្លូវច្បាប់ ៕
