អហ.សៀមរាប៖ នៅចន្លោះម៉ោង១៦និង​០០នាទី ថ្ងៃទី១៥ ខែតុលា ឆ្នាំ២០១៥ ដល់ម៉ោង០៣និង​០០នាទី​អធ្រាត្រ ថ្ងៃទី១៦ ខែតុលា ឆ្នាំ២០១៥ នៅចំនុចមុខសណ្ឋាគារក្រុងមាស ភូមិសាលាកន្សែង សង្កាត់ស្វាយដង្គំ ក្រុងសៀមរាប កម្លាំងមូលដ្ឋានកងរាជអាវុធហត្ថក្រុងសៀមរាបចំនួន០៦នាក់ រថយន្តចំនួន០១គ្រឿង ម៉ូតូចំនួន០១គ្រឿង ដឹកនាំដោយលោក វរៈសេនីយត្រី ខោ ស៊ុនភិរម្យ មេបញ្ជាការមូលដ្ឋានកងរាជអាវុធហត្ថក្រុងសៀមរាប សហការជាមួយកម្លាំងការិយាល័យប្រឆាំងបទល្មើសគ្រឿងញៀន ដឹកនាំដោយ លោក វរៈសេនីយឯក ស្រី យូរ៉ា មេបញ្ជាការរងទទួលបន្ទុកមន្ទីរយុត្តិធម៌ បានធ្វើការបង្ក្រាបករណីរក្សាទុកដឹកជញ្ជូនឬជួញដូរដោយខុសច្បាប់នូវសារធាតុញៀន។
ក្នុងប្រតិ្តការនេះដែរ​សមត្ថកិច្ចជំនាញ​បានឃាត់ខ្លួនមនុស្សចំនួន០៤នាក់ ក្នុងនោះមានឈ្មោះ៖
១-ឈ្មោះ ចាន់ តុង ភេទប្រុស អាយុ២២ឆ្នាំ មុខរបរគ្មាន មានទីលំនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ។
២-ឈ្មោះ ម៉ម សេងលឿន ភេទប្រុស អាយុ៣២ឆ្នាំ មុខរបរនៅផ្ទះ មានទីលំនៅភូមិទក្សិណត្បូង សង្កាត់គោកចក ក្រុងសៀមរាប ។
៣-ឈ្មោះ ហួរ លីថេង ភេទប្រុស អាយុ២៣ឆ្នាំ មុខរបរយោធា មានទីលំនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ។
៤-ឈ្មោះ ហេង ភិរុណ ភេទប្រុស អាយុ២៧ឆ្នាំ មុខរបរមេការគ្រឿងចក្រ មានទីលំនៅភូមិពពាលខែ ឃុំជ្រៃ ស្រុកថ្មគោល ខេត្តបាត់ដំបង ។
សមត្ថកិច្ចបានចាប់ដកវត្ថុតាងមាន​ ម្សៅគ្រើមពណ៌សថ្លាចំនួន០៩កញ្ចប់ រថយន្តចំនួន០១គ្រឿង ម៉ូតូចំនួន០១គ្រឿង ទូរស័ព្ទចំនួន០៤គ្រឿង និងឧបករណ៍វេចខ្ចប់មួយចំនួន ។
បច្ចុប្បន្នជនសង្ស័យ និងវត្ថុតាង បានបញ្ជូនទៅកាន់ការិយាល័យប្រឆាំងបទល្មើសគ្រឿងញៀន ដើម្បីចាត់ការតាមនីតិវិធី៕