ស្ទឹងត្រែងៈ នៅវេលាម៉ោង១៤ និង០០នាទីរសៀល ថ្ងៃទី១៩ ខែមេសា ឆ្នាំ២០១៧ កម្លាំងកងរាជអាវុធហត្ថខេត្តស្ទឹងត្រែង សហការជាមួយ កម្លាំងមូលដ្ឋាន កងរាជអាវុធហត្ថក្រុងស្ទឹងត្រែង បានធ្វើការឃាត់ខ្លួន ជនសង្ស័យចំនួន០៥នាក់ ស្ថិតនៅចំណុចភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង មានជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

នេះបើតាមការឱ្យដឹងពី មន្ត្រីកងរាជអាវុធហត្ថក្រុងស្ទឹងត្រែង បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះ ៈ
១. ឈឹម គ្រឹស្នា ភេទប្រុស អាយុ២៥ឆ្នាំ មុខរបរកសិករ ទីលំនៅភូមិរាជានុកូល
សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង
២. ថា ភ័ក្ត្រា ភេទស្រី អាយុ២៦ឆ្នាំ មុខរបរមេផ្ទះ ទីលំនៅភូមិរាជានុកូល សង្កាត់ស្ទឹងត្រែង ក្រុង.ខេត្តស្ទឹងត្រែង
៣. ណាង គីរ៉ា ភេទប្រុសអាយុ២៤ឆ្នាំ មុខរបរជាងធ្វើសិប្បកម្មឈើ ទីលំនៅភូមិលើសង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង
៤. ឡូញ សុខា ភេទប្រុស អាយុ៣២ឆ្នាំ មុខរបរជាងសំណង់ ទីលំនៅភូមិលើ សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង
៥. វ៉ន នីម ភេទស្រី អាយុ២៩ឆ្នាំ ទីលំនៅភូមិលើ សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។

មន្ត្រីដដែល បានបញ្ជាក់ឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួនពីជនសង្ស័យរួមមានៈ
១. ថ្នាំញៀនប្រភេទម៉ាទឹកកក ចំនួន០៦កញ្ចប់ ដែលមានទម្ងន់៦,២៤ក្រាម
២. ទូរស័ព្ទដៃ ចំនួន០៧គ្រឿង
៣. លុយខ្មែរចំនួន
៤. ដាវសាំម៉ារ៉ៃ១
៥. ម៉ូតូ១គ្រឿង
៦. ខ្សែកលោហ:ពណ៌លឿង២ខ្សែ, កងដៃលោហ:ពណ៌លឿង១។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។

(អត្ថបទ ម៉ាន់ ដាវីត)