ក្រចេះៈ នៅវេលាម៉ោង០៦ និង១០នាទីព្រឹក ថ្ងៃទី១២ ខែឧសភា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកស្នួល បានធ្វើការបង្ក្រាបករណី ដឹកជញ្ចូនផល/អនុផលព្រៃឈើដោយខុសច្បាប់ ចំនួន០១លើក ស្ថិតនៅចំណុចភូមិស្នួលឃុំ ស្នូលស្រុកស្នូល ខេត្តក្រចេះ។

តាមការឱ្យដឹងពី មន្ត្រីមូលដ្ឋានកងរាជអាវុធហត្ថស្រុកស្នួល បានឱ្យដឹងថា ក្នុងប្រតិបត្តិការបង្ក្រាបបទល្មើសខាងលើនេះផងដែរ កម្លាំងកងរាជអាវុុធហត្ថ ក៏បានធ្វើការចាប់យកនូវវត្ថុតាងមួយចំនួនរួមមានៈ
១. រថយន្តម៉ាកសុាំយ៉ុង ចំនួន០២គ្រឿង
២. ឈើប្រណិតប្រភេទធ្នង់ពេញរថយន្តទាំង០២ (មិនទាន់បានវាស់វែង)។

មន្ត្រីដដែលបានបញ្ជាក់បន្ថែមទៀតថា ក្នុងនោះផងដែរ កម្លាំងកងរាជអាវុធហត្ថ ក៏បានធ្វើការឃាត់ខ្លួន បានជនសង្ស័យចំនួន០២នាក់ រួមមានឈ្មោះៈ
១. ម៉ុន ភារម្យ ភេទប្រុស អាយុ៣០ឆ្នាំ ជនជាតិខ្មែរ រស់នៅភូមិពាមជ័យលាំង ឃុំកំពង់ទ្រា ស្រុកក្រូចឆ្មា ខេត្តត្បូងឃ្មុំ
២. ស្រៀន បូណា ភេទប្រុស អាយុ២៥ឆ្នាំ ជនជាតិខ្មែរ រស់នៅភូមិពាមជ័យលាំង ឃុំកំពង់ទ្រា ស្រុកក្រូចឆ្មា ខេត្តត្បូងឃ្មុំ ។

វត្ថុតាងត្រូវបានប្រគល់អោយមន្ត្រីជំនាញខណ្ឌរដ្ឋបាលព្រៃឈើ ដើម្បីធ្វើការវាស់វែង និងចាត់ការបន្តតាមនិតិវិធី។

(អត្ថបទៈ ម៉ាន់ ដាវីត)