កំពង់ធំៈ នៅវេលាម៉ោង១១ និង៥០នាទី ថ្ងៃទី១៣ ខែឧសភា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកសន្ទុក បានធ្វើការបង្ក្រាបករណី ដឹកជញ្ចូនផល/អនុផលព្រៃឈើដោយខុសច្បាប់ ចំនួន០១លើក ស្ថិតនៅចំណុចភូមិវាំងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ។

តាមការឱ្យដឹងពី មន្ត្រីមូលដ្ឋានកងរាជអាវុធហត្ថស្រុកសន្ទុុក បានឱ្យដឹងថា ក្នុងប្រតិបត្តិការបង្ក្រាបបទល្មើសខាងលើនេះផងដែរ កម្លាំងកងរាជអាវុុធហត្ថ ក៏បានធ្វើការចាប់យកនូវវត្ថុតាងមួយចំនួនរួមមានៈ
១. រថយន្តម៉ាកហីុយ៉ាន់ដាយ ចំនួន០១គ្រឿង
២. ឈើប្រណិតប្រភេទធ្នង់ ចំនួន៧៤ដុំ ។

មន្ត្រីដដែលបានបញ្ជាក់បន្ថែមទៀតថា ក្នុងនោះផងដែរ កម្លាំងកងរាជអាវុធហត្ថ ក៏បានធ្វើការឃាត់ខ្លួន បានជនសង្ស័យចំនួន០២នាក់ ដែលមានជាប់ពាក់ព័ន្ធជាមួយបទល្មើសខាងលើ រួមមានឈ្មោះៈ
១. នី វី ភេទស្រី អាយុ៤៧ឆ្នាំ រស់នៅភូមិក្រចាប់ សង្កាត់អាចារលាក់ ក្រុងស្ទឹងសែន ខេត្តកំពង់ធំ
២. ហេង ហាន ភេទប្រុស អាយុ៣៧ឆ្នាំ រស់នៅភូមិពាមជីឡាង ឃុំត្បូងឃ្មុ ុំខេត្តកំពង់ចាម។

វត្ថុតាងត្រូវបានប្រគល់អោយមន្ត្រីជំនាញខណ្ឌរដ្ឋបាលព្រៃឈើ ដើម្បីធ្វើការវាស់វែង និងចាត់ការបន្តតាមនិតិវិធី។

(អត្ថបទៈ ម៉ាន់ ដាវីត)