អហ.ខេត្តបន្ទាយមានជ័យ៖ ដោយទទួលបានព័ត៌មានពីប្រជាពលរដ្ឋថាមានយុវជនចំនួន៤នាក់កំពុងជួញដូរនិងប្រើប្រាស់គ្រឿងញៀនយ៉ាងសកម្មនៅចំណុច ភូមិ ចាន់ គិរី សង្កាត់ប៉ោយប៉ែត ក្រុងប៉ោយប៉ែត ខេត្ត បន្ទាយមានជ័យ នៅវេលាម៉ោង៧យប់ថ្ងៃទី១៩ ខែតុលា ឆ្នាំ២០១៥ ត្រូវបានកម្លាំងកងរាជអាវុធហត្ថក្រុងប៉ោយប៉ែតដឹកនាំដោយលោកវរៈសេនីយ៍ត្រី ជា ដា មេបញ្ជាការកងរាជអាវុធហត្ថក្រុងប៉ោយប៉ែតបានចុះធ្វើការឃាត់ខ្លួនបានជនសង្ស័យជួញដូរគ្រឿងញៀនចំនួន៤នាក់និងបានចាប់ដក​វត្ថុតាងមានដូចជា គ្រឿងញៀនមេតំហ្វេតាមីនទឹកកកចំនួន១១ថង់តូចស្មើនិងទម្ងន់២.៥ក្រាមនិងឧបករណ៍សំរាប់ជក់មួយចំនួនយកមកទីបញ្ជាការកងរាជអាវុធហត្ថខេត្តដើម្បីសួរនាំ។លោកវរះសេនីយ៍ឯក ស ប៊ុនសឿងមេបញ្ជាការរងកងរាជអាវុធហត្ថខេត្តបន្ទាយមានជ័យទទួលលើការងារគ្រឿងញៀនបានឲ្យដឹងថាជនសង្ស័យទាំង៤នាក់នោះមាន ឈ្មោះ១/សូរ សម្បត្តិ អាយុ២៤ ឆ្នាំ ជួញដូរគ្រឿងញៀន ២/ឈ្មោះ អែម ខ្នាន ប្រុស អាយុ ២៥ឆ្នាំ ជួញដូរគ្រឿងញៀន ៣/ឈ្មោះ ឈឺនឃីយូ ប្រុស អាយុ១៩ឆ្នាំ ជួញដូរគ្រឿងញៀន ៤/ឈ្មោះ ចាន់ បូរី ប្រុស អាយុ ២១ឆ្នាំជាអ្នកប្រើប្រាស់ អ្នកទាំ៤នាក់នេះរស់នៅក្រុង ប៉ោយប៉ែត ខេត្តបន្ទាយមានជ័យ៕