ឧត្តរមានជ័យៈ នៅវេលាម៉ោង១៧ និង៣០នាទីល្ងាច ថ្ងៃទី១៥ ខែឧសភា ឆ្នាំ២០១៧ កម្លាំងមូលដ្ឋាន កងរាជអាវុធហត្ថក្រុងសំរោង បានធ្វើការឃាត់ខ្លួន ជនសង្ស័យចំនួន០៥នាក់ ស្ថិតនៅចំណុចភូមិគោកចាន់រី សង្កាត់បន្សាយរ៉ាក់ ក្រុងសំរោង ខេត្តឧត្តរមានជ័យ មានជាប់ពាក់ព័ន្ធជាមួយករណីរក្សាទុក និងប្រើប្រាស់នូវសារធាតុញៀន។

តាមការបញ្ជាក់ ពីមន្ត្រីកងរាជអាវុធហត្ថក្រុងសំរោង បានឱ្យដឹងថា ជនសង្ស័យដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះ ៈ
១. បាន វឿន ភេទប្រុស អាយុ២៥ឆ្នាំ រស់នៅភូមិអូរបាត់ដាវ សង្កាត់បន្សាយរ៉ាក់ ក្រុងសំរោង ខេត្តឧត្តរមានជ័យ
២. សុខ ផាន ភេទប្រុស អាយុ២២ឆ្នាំ រស់នៅភូមិពោធិវង្ស សង្កាត់បន្សាយរ៉ាក់ ក្រុងសំរោង ខេត្តឧត្តរមានជ័យ
៣. ម៉ៅ ណែត ភេទប្រុស អាយុ៣៨ឆ្នាំ រស់នៅភូមិគោកចាន់រី សង្កាត់បន្សាយរ៉ាក់ ក្រុងសំរោង ខេត្តឧត្តរមានជ័យ
៤. វ៉ាន ឆវ័ន្ត ភេទប្រុស អាយុ១៩ឆ្នាំ រស់នៅភូមិត្រពាំងទូង សង្កាត់បន្សាយរ៉ាក់ ក្រុងសំរោង ខេត្តឧត្តរមានជ័យ
៥. ពី សែន ភេទប្រុស អាយុ២៧ឆ្នាំ រស់នៅភូមិពោធិវង្ស សង្កាត់បន្សាយរ៉ាក់ ក្រុងសំរោង ខេត្តឧត្តរមានជ័យ។

មន្ត្រីដដែល បានបញ្ជាក់ឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួនពីជនសង្ស័យរួមមានៈ
១. ថ្នាំញៀនប្រភេទយ៉ាម៉ាគ្រាប់ ចំនួន០១គ្រាប់
២. ដែកកេះ ចំនួន០៦
៣. ទូរស័ព្ទដៃ ចំនួន០២គ្រឿង
៤. ដាវសាម៉ូរ៉ៃ ចំនួន០១ដើម និងឧបករណ៍សម្រាប់សេពគ្រឿងញៀនមួយចំនួន។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។

(អត្ថបទៈ ម៉ាន់ ដាវីត)