សៀមរាបៈ នៅព្រឹកថ្ងៃទី១៨ ខែឧសភា ឆ្នាំ២០១៧ នៅបញ្ជាការដ្ឋាន កងរាជអាវុធហត្ថខេត្តសៀមរាប បានប្រារព្ធពិធីផ្សព្វផ្សាយ ការងារអប់រំចិត្តសាស្ត្រ ប្រចាំឆមាស១ ឆ្នាំ២០១៧ ក្រោមអធិបតីភាព ឯកឧត្តម ឧត្តមសេនីយ៍ត្រី ប៉ោ វណ្ណនិត មេបញ្ជាការ កងរាជអាវុធហត្ថខេត្តសៀមរាប និងដោយមានការចូលរួមពីសំណាក់ លោកមេបញ្ជាការរង ប្រធាន អនុប្រធានមន្ទីរ នាយ នាយរងការិយាល័យ មេបញ្ជាការមូលដ្ឋាន ក្រុង ស្រុក និងនាយ នាយរងកងរាជអាវុធហត្ថ ចំណុះបញ្ជាការដ្ឋាន កងរាជអាវុធហត្ថខេត្តសៀមរាប ជាច្រើនរូបផងដែរ។
ក្នុងពិធីនោះដែរ ឯកឧត្តម ឧត្តមសេនីយ៍ត្រី ប៉ោ វណ្ណនិត ក៏បានលើកឡើងនៅចំណុចសំខាន់ៗមួយចំនួនរួមមានៈ
១. ការគោរព ការនុវត្តតួនាទី ភារកិច្ច និងការងារកងរាជអាវុធហត្ថ
២. ការគោរពវិន័យ បទបញ្ជា ក្រមសីលធម៌ និងសាមគ្គីភាពផ្ទៃក្នុង។
ក្នុងពិធីនេះដែរ លោកវរសេនីយ៍ឯក ញឹម សីលា មេបញ្ជាការរង ទទូលការងារ កសាងកម្លាំង គឺជាគ្រូបង្គោលក្នុងការងារអប់រំចិត្តសាស្រ្តនេះ។
(អត្ថបទ ម៉ាន់ ដាវីត)
